Friday , March 29 2024

Abunda at malaking grupo ng LGBT, suportado si Mar

NAGTIPON-TIPON ang ilang malalaking grupo ng LGBT sa pamumuno ng mga LGBT icon na sina Bemz Benedito, LGBT group na Ang Ladlad, Rica Paras na nakilala sa Pinoy Big Brother Double Up, ang respetadong fashion designer na si Mama Renee Salud, at ang kauna-unahang Pinoy transwoman na tumatakbo bilang Congresswoman ng Bataan na si Ms. Geraldine Roman.

Ang pagtitipon ay para ideklara ang kanilang suporta kay Mar Roxas sa pagka-Presidente sa nalalapit na national elections sa darating na Mayo 2016.

Tugon din ito sa suportang ipinakita ni Roxas sa LGBT community sa pamamagitan ng pagsulong sa pantay na karapatan sa makulay na grupo ng LGBT.

Ayon kay Roxas, ibibigay niya ang kanyang buong suporta sa bawat mamamayang Filipino, kasama na siyempre ang LGBT community.

“Dapat tamasahin ng bawat Filipino ang lahat ng kanilang mga karapatan sa ilalim ng batas ano man ang kanilang ethnicity, relihiyon, sexual orientation, at gender identity.”

Ipinakita rin ni Roxas ang kanyang suporta sa Anti-Discrimination Bill (ADB), na isa sa mga batas na kanyang isusulong mapatupad ‘di lamang sa Kongreso ngunit pati na rin sa Senado sa oras na siya ay mahalal at maupo sa puwesto bilang Presidente ng bansa. Matagal nang naka-tengga sa Kongreso ang panukalang batas na ito mula nang i-file noong 1998. Gagawing krimen ng ADB ang mag-discriminate at mag-oppress ng sino mang miyembro ng LGBT sa trabaho, eskuwelahan, pagproseso, at pagbigay ng mga professional license para sa trabaho at mga negosyo ng mga miyembro ng LGBT.

Sa ngayon hindi pa sakop ng ADB ang same sex marriage ngunit isa sa mga layunin ng mister ni Korina Sanchez-Roxas na maipatupad ang civil union para sa mga miyembro ng LGBT na may long-standing at committed na relasyon sa isa’t isa. Kikilalanin ito bilang legal na arrangement tulad ng kasal na hindi kinakailangan ng isang seremonya sa loob ng simbahan. Dahil dito, magkakaroon ang mga LGBT couple ng proteksiyon sa ilalim ng batas pagdating sa kanilang property rights, next-of-kin rights, insurance, tax breaks na mga legal rights na siya ring tinatamasa ng mga heterosexual couples na nasa isang loving at committed na relationship.

Sa kabilang banda, pinuri ni Salud ang Keribeks Gay Congress na pinamunuan ni Korina noong nakaraang taon. “Sila lang ang nag-abala at gumawa ng malaki at magandang event para sa aming mga miyembro ng LGBT. Hindi lang kami na-entertain, marami rin kaming natutuhan, at binigyan pa kami ng job fair ng Keribeks.”

Samantala, hindi nakapunta sa LGBTs For Mar ang King Of Talk na si Boy Abunda, nagpadala naman ito ng mensahe kay Benedito. Ayon kay Boy, “Ibinabato ko po ang buong suporta at boto ko kay Mar Roxas. I appreciate his respect to the LGBT community. Ang aking suporta ay buo dahil malapit sa puso niya ang LGBTs at malinaw ang plataporma niya rito.”

About Hataw News Team

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *