Friday , March 29 2024

OIC sa BOC hinagupit (Buwan kung umaksiyon sa mga angkat na produkto)

KINONDENA kahapon ng nagrereklamong mga importer ang isang mataas na opisyal ng Bureau of Customs dahil sa obyus umanong pagpapabaya sa kanilang hiling na bilisan ang proseso ng mga angkat na produkto.

Sa isang manipesto, tinukoy ng mahigit 100 miyembro ng samahan ng malalaking mangangalakal sa bansa ang umano’y usad-pagong na galaw ng pag-iisyu ng clearance sa Assesment and Operations Coordinating Group.

Ayon sa mga mangangalakal, sobrang malaki na ang prehuwisyo sa kanilang hanapbuhay ng nasabing opisina na pinamunuan ng officer in-charge na si Juvy Denofrata.

“Mahigit tatlong linggo na, ang iba’y mahigit isang buwan, nang nakabitin sa opisina ni OIC Denofrata ang aming papeles para sa import assessment system clearance na kanyang pinamamahalaan,” pahayag ng mga nagreklamong mangangalakal sa kanilang manipesto.

Anila, hindi nila maintindihan ang dahilan ng pagkabinbin ng kanilang clearance sa IAS “dahil kompleto ang aming mga dokumento at walang sinasabi kung ano ang diperensiya ng isinumite naming mga papeles.”

“Pero obyus sa aming obserbasyon na nangangapa pa talaga si Denofrata at hindi alam ang kanyang gagawin para maiproseso nang mabilis ang aming mga papel dahil nga sa siya’y baguhan lang sa BOC bilang OIC ng nasabing tanggapan,” dagdag na pahayag ng mga mangangalakal.

Sa pagtatapos na pahayag, kinuwestiyon din ng grupong mangangalakal ang hindi pagtugon ng hepe ng BOC na si Alberto Lina sa problema sa AOCG, partikular ang mabagal na aksiyon ni Denofrata na nagdudulot umano ng malaking pagkalugi sa kanilang hanapbuhay.

Sinikap ng mga mamamahayag na kunin ang panig nina Denofrata at Lina, pero tumanggi silang magpa-interbyu.

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *