Friday , March 29 2024

Duterte bagong ‘Pol Pot’ ng ASEAN

LABIS ang takot ng maraming Filipino sa ulat na kandidato ng National Democratic Front (NDF) si Davao City Mayor Rodrigo “Digong” Duterte lalo’t nangako siya na magpapatupad ng ‘kamay na bakal’ kaya posibleng siya ang maging ikalawang “Pol Pot” ng Association of Southeast Asian Nations (ASEAN).

Ayon kay Kilusan Kontra Kabulukan at Katiwalian (4K) secretary general Rodel Pineda, sa naging asal ni Duterte na nagawang pagmumurahin si Pope Francis ay maitutulad siya sa dating lider ng Cambodia na si Pol Pot na nagsagawa ng genocide  o pagmasaker sa mahigit dalawang milyon katao sa nasabing bansa noong 1975 hanggang 1979.

“Sa pag-amin ni Digong na may kinalamann siya sa Davao Death Squad na nagpapatay ng mahigit 1,700 katao sa kanyang lungsod, nakatatakot na pamunuan  niya ang buong Filipinas,” diin ni Pineda. “Kung totoong pati ang mga bata at inosenteng mamamayan ay ipinalikida niya, malaking banta siya sa demokrasyang ipinaglaban natin sa pamamagitan ng Peoples Power noong 1986 para mapatalsik ang rehimeng Marcos.”

Maraming nangangamba, lalo ang mga edukado, elitista at may-kaya sa posibilidad na maulit sa Filipinas ang naganap sa Cambodia noong 1976 hanggang 1979 na mahigit dalawang milyon katao ang namatay nang pamunuan ng komunistang Khmer Rouge ang nasabing bansa kapag nanalo si Duterte.

“Mababalewala ang demokrasyang ipinaglaban natin sa EDSA Revolution noong 1986 kung mamumuno sa Malakanyang ang berdugo at barbarong tulad ni Duterte,” giit ni Pineda. “Sa pag-amin niyang nagpapatay sa DDS ng mahigit 1,700 katao, malinaw na nilabag niya ang karapatang pantao ng mga biktima. Napakaimoral ni Duterte, walang galang sa karapatan ng kapwa tao.”

May ulat na suportado ng Communist Party of the Philippines – New Peoples Army (CPP-NPA) ang kandidatura ni Duterte kaya maikokompara siya kay Pol Pot, ang lider ng komunistang Khmer Rouse na nagpatupad ng tinatawag na “Cambodian Holocaust” at nagpamasaker ng dalawang milyon katao sa loob lamang ng apat na taon.

About Hataw News Team

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *