Finally, “SC Says Grace Poe Can Run” (Parang TVC lang ng Ariel…)

‘Yan po ang malaking balita kahapon.

Tuluyan nang ibinasura ng Supreme Court ang desisyon ng Commission on Elections (Comelec) na huwag patakbuhin si Senator Grace Poe sa pinakamataas na posisyon sa bansa.

Isang malaking tagumpay ito para kay Senator Grace.

Parang nabunutan ng malaking tinik si Poe.

Tiyak na bubuhos na ‘as in’ parang ulan sa tag-araw ang mga perang ‘este’ suportang darating kay Sen. Grace matapos lumabas ang desisyong ‘yan ng Korte Suprema.

Ang obserbasyon lang natin sa Kampo ni Madam Grace, pirming nagsasabi na wala raw silang pera pero lagi namang may political ads sa tele-bisyon?!

Parehong-pareho sa kampo ni Digong Duterte.

Anyway, alam naman nating malakas at nangunguna sa mga survey si Sen. Grace.

Sana lang ay mai-convert sa boto ang pangunguna na ‘yan sa survey ng anak ni Panday at Inday.

At sana rin…kung not once but twice na may nang-agaw ng presidency, huwag naman sanang mag-THRICE dito kay Madam Grace.

Ano sa palagay ninyo, Senator Grace?! 

Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com