HATAW! D'yaryo ng Bayan hatawtabloid.com
SPARE Sabina! Ito ang tila pakiusap ni Claudine Barretto sa ilang netizens na pilit ikinukompara ang kanyang adopted daughter na si Sabina sa adopted ding anak ni Judy Ann Santos na si Yohan.
On her Instagram account, isang palabang Claudine ang rumesbak sa mga basher making such an unfair comparison na may kinalaman sa mga hitsura ng bagets. Anila, malayo raw ang anyo ni Sabina sa adoptive mother nito (Claudine).
For sure, kung si Juday ang tatanungin ay hindi rin niya magugustuhan ang “trip” na ito ng mga taong walang magawa sa buhay na pati mga walang kamuwang-muwang na bata ay kanilang pinagdidiskitahan.
Lest these bashers forget, maaari silang maharap sa karampatang kaso dahil ito’y maliwanag na pang-aabuso sa mga bata at menor de edad.
Buti na lang, hindi ito hinayaan ni Claudine na makaapekto sa maraming taon nang pagkakaibigan nila ni Juday.
Samantala, sa mga huling episode ng Bakit Manipis ang Ulap?—ang comeback ni Claudine sa TV—ay obvious na malaki ang nabawas sa timbang ng aktres.
More ready than ever, hindi imposibleng magtuloy-tuloy na ang TV career ni Claudine.
HOT, AW! – Ronnie Carrasco III
