Friday , March 29 2024
Xian Lim Kim Chiu

Xian at Kim, napi-pressure para aminin ang tunay na relasyon

INAAMIN na ni Xian Lim na may pagtitinginan sila ni Kim Chiu. Matagal na rin naman kasi silang magkasama at magka-love team, pero sinasabi nga niya na hindi dahil sa umamin na ang iba na sila nga ay may tunay na relasyon at hindi rin dahil ipinalalabas na iyong kanilang bagong seryeng The Story of Us ay gagaya na rin sila at aamin. Naniniwala si Xian ganoon din si Kim, na ang pag-amin ng tunay nilang relasyon ay dapat na mangyari sa tamang panahon.

At kailan nga ba ang tamang panahong iyan kundi kung kailan alam na nilang sigurado na sila sa kanilang nararamdaman. Mali naman talaga iyong pabigla-bigla lalo na nga pagdating sa isang relasyon. Iyan ang madalas na pagkakamali lalo na ng mga artista. Naroroon kasi ang pressure ng fans. Naroroon din ang interes ng mga producer na naniniwalang mas sisikat at kikita ang isang love team kung masasabing totohanan na ang relasyon. Nakadaragdag din ng pressure ang press dahil naghahanap sila ng bagong maibabalita at marami ang interesado sa mga love affair.

Madalas dahil sa ganyan umaamin ang mga artista kahit na hindi pa sila sigurado sa sarili nila and in the end, mauuwi lang ang lahat sa wala.

Kaya hindi naman natin masisisi sina Xian at Kim kung ayaw pa nilang magsalita tungkol sa kanilang affair. Gusto nila iyong sigurado na.

Natatandaan nga namin, may panahong halos pinipilit silang aminin na mayroon silang relasyon, at nang sabihin ni Kim na, ”it is our right to remain silent,”marami ang nagsabing sinungaling daw ang aktres. Bakit iyon bang pagtangging umamin ng isang bagay ay masasabing pagsisinungaling? Hindi naman niya ikinakaila eh, ang sinasabi lang niya hindi pa siya handang aminin iyon. Eh ano ang masama roon?

HATAWAN – Ed de Leon

 

About Ed de Leon

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *