Friday , March 29 2024

Bakit nagsisinungaling si VP Binay?

ILANG araw bago ang unang leg ng presidential debate, sinabi ni United Nationalist Alliance (UNA) presidential candidate Vice President Jojo Binay sa press at media na hindi na niya kailangang maghanda pa sa debate dahil wala naman siyang ibang gagawin doon kundi ang magsabi lamang ng totoo.

Pero lumitaw agad ang pagiging sinungaling ni VP Binay sa unang round pa lang ng debate nang kanyang sabihin na minana lang niya mula sa kanyang mga magulang ang karamihan ng kanyang mga ari-arian ngayon.

Ito ay sa kabila na hindi tugma ang kanyang sinabi sa isa niyang TV commercial na naglalarawan na wala silang kapera-pera noon para maipagamot sa ospital ang kanyang ina.

Ano ba talaga, Pareng Jojo, mahirap ba kayo dati o mayaman na talaga?

Kung nakalusot si Binay sa taumbayan sa kanyang naging sagot tungkol sa kanyang mga ari-arian dahil na rin sa limitadong format ng presidential debate, siguradong hindi niya malulusutan sa hukuman ang sinasabing kanyang nakaw na yaman na nagkakahalaga ng P16 bilyon na namatyagan ng Anti-Money Laundering Council (AMLC). Hindi pa kabilang sa multi-bilyong pisong ito ang mga nakatagong malaking halaga ng pera sa kanyang iba’t ibang kaha de yero.

Sa katunayan bago ang pag-freeze ng AMLC sa kanyang 242 bank accounts, nagawa pang makapag-withdraw ni Pareng Jojo ng P4 bilyon noong Oktubre ng nakalipas na taon.

Kung sagad sa buto ang pagsisinungaling ni Binay sa mata ng mga mamamayan at walang kagatol-gatol na pagkontra sa mga ebidensiya ng hukuman laban sa kanya, lampas-langit naman siya kung mangako sa naganap na debate. Isa sa kanyang mga pangako ang pag-alis sa income tax para matugunan kuno ang lumalalang kahirapan ng bansa. Komplikado ang isyu ng kalam ng sikmura at tila walang koneksiyon dito ang pagbasura sa income tax dahil walang mapagkukunan ng pondo ang gobyerno para ipangtustos sa mga panlipunang serbisyo.

Maihahalintulad ang katwiran ng bise-presidente sa lohika ni UNA senatorial candidate Alma Moreno na ang naging tugong solusyon sa paglaki ng populasyon ay huwag patayin ang ilaw sa gabi kapag magkatabi na sa kama ang mag-asawa.

Kung alerto ang isip ni Binay para malusutan ang kanyang mga kasalanan, tila nag-boomerang naman kay Liberal Party standard-bearer Mar Roxas ang kanyang binitiwang pahayag sa debate ukol sa krimen at ilegal na droga.

Nabatid natin na sa panahon ng panunungkulan ni Roxas bilang Interior secretary at tumatayo ring pinuno ng pambansang pulisya, tumaas nang 50% ang krimen sa buong bansa at talamak ang bentahan ng ilegal na droga sa 92 porsiyento ng mga barangay.

Ang naging obserbasyon tuloy ng marami, lumalabas na kinakausap lang ni Roxas ang sarili sa buong oras ng debate habang hindi naman dapat seryosohin ng mga tao si Davao City Mayor Rodrigo Duterte dahil imbes na mga isyu ng lipunan ang pag-usapan, nagawa pa niyang ibida ang kanyang “kargada” o “sandata ng pagkalalaki.”

About Ariel Dim Borlongan

Check Also

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Dragon Lady Amor Virata

OIC chief of police, kapuri-puri

Isumbong mokay DRAGON LADYni Amor Virata HUMARAP kamakailan si OIC Chief of Police ng lungsod …

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …

Leave a Reply

Your email address will not be published. Required fields are marked *