HATAW! D'yaryo ng Bayan hatawtabloid.com
NALAMAN naming hiwalay na sina Angel Locsin at Luis Manzano at nag-post kami sa Facebook account namin ng, ‘feeling shocked ‘di ko kinaya, at saka ko na lang isusulat’ at isa si Luis sa nag-like.
Marahil alam na ni Luis na may alam kami sa kanila ni Angel kaya kinumusta namin siya at mabilis namang sumagot ng, “okay naman ate Regs” sabay hirit namin ng tanong tungkol sa kanila ni Angel, pero hindi na kami sinagot pa ng binata.
Hindi namin kaagad isinulat ang balitang ito dahil kaka-office lang namin na ibig sabihin ay nasita kami dahil sa mga pinagsusulat namin.
At ayaw naming masabihang kontrabida kami dahil kaka-ere palang ng Pilipinas Got Talent Season 5 na parehong kasama sina Angel at Luis sa programa bukod pa sa ayaw naming maka-apekto sa pelikulang Everything About Her na pinagbibidahan nina Governor Vilma Santos-Recto, Xian Lim, at Angel.
Anyway, tahimik lang sina Angel at Luis sa balitang ito dahil simula pa lang ng PGT5 sila naghiwalay.
Pero hindi nila kayang itago ang gusot nila dahil sa nakaraang premiere night ng Everything About Her noong Martes ng gabi ay pansin na pansing hindi nagtabi o inalalayan ni Luis si Angel dahil sina Senator RalphRecto, Ryan Phillippe, at Gov. Vilma ang kasama ng aktres
Sabi ng mga nakapansin, “its not like Luis kasi kilala natin siya na laging nakaalalay kay Angel, but that night waley.”
Ininterbyu ni MJ Felipe ng TV Patrol at Bandila si Luis tungkol sa balitang break na sila ni Angel, pero naringgan daw ang aktor na ayaw niyang magsalita on-cam at ayaw niyang sa kanya manggaling. Pero off-cam daw ay umamin si Luis sabi ng mga nakarinig.
Nagtanong kami sa mga taga-PGT5 kung ano ‘yung kuwento sa amin ng source na, ‘magtanong ka sa taping ng ‘ PGT5 kasi tuma-tumbling lahat ng staff dahil sa dalawa (Angel at Luis).’
Pero ikinatwiran sa amin ng taga-PGT5, “honestly ‘di ko alam, ayoko malaman kasi ayoko ma-involve, professional lang relationship namin sa kanila
Hindi ako nagtatanong. Para normal ‘yung pakikitungo namin sa kanila.”
Kaya ba naiyak si Angel sa Sunday episode ng PGT5 dahil sa paghihiwalay nila ni Luis? “Naiyak sa nagperform (Power Duo) ‘di naman dahil kay Luis.”
Nagulat talaga ang lahat dahil akala nila ay sa simbahan na ang diretso nina Angel at Luis lalo’t inaamin naman nila na napag-uusapan na nila ito wala pa nga lang petsa at kung saang simbahan.
Hirit naman ng taong malapit kay Angel, “LQ (lover’s quarrel) lang ‘yan.”
Pero may mga sinabi sa amin ang mga taong malapit sa dalawa, “hindi kasi pabor si Luis na gawin ni Angel ang ‘Darna’ kasi nga kung gagawin ito, matatagalan ang plano nilang pagpapakasal. At saka concerned si Luis sa health ni Angel, kasi nga delikado at saka paano kung hindi magka-anak si Angel?”
Sabi pa ng isa pang kilala ang dalawa, “hindi kasi puwedeng tanggihan ni Angel ang ‘Darna’ kasi nakakontrata siya plus the fact na ipinagagamot siya, kita mo nga, babalik siya ng February for 2nd procedure kasi siya talaga si Darna at walang iba. Kung ano-ano lang pinalalabas na gaganap na ‘Darna’ para inililigaw ang isyu hangga’t hindi pa nagagawa ni Angel ang 2nd procedure.”
Ikinatwiran ding kaya hindi natuloy si Luis na pasukin ang politika ay dahil mas binigyan niya ng halaga ang relasyon nila ni Angel kasi nga gusto na niyang magpakasal sila. Pero ang PGT5 judge ay biglang nabago ang plano dahil sa Darna.
May katoto kaming sumundot na, ”hindi ‘yan, may na-diskubre sina Angel at Luis sa isa’t isa kaya nga mutual decision ang paghihiwalay nila, ‘di ba?”
Sabi naman ng taga-ABS-CBN, ”trial separation lang ‘yan, inaayos naman nila, pero hindi natin sure.”
FACT SHEET – Reggee Bonoan
