Isa pang pinagpala sa Bureau of Immigration (Attn: SoJ Ben Caguioa)

ISA pa raw pinagpala ang isang Kernel Agtay na sobrang blessed sa Bureau of Immigration (BI) sa ilalim ni Comm. Fred ‘greencard’ Mison!

Hindi ba lahat ng mga naka-assign sa BI Bicutan detention cell noong pinatakas ‘este’ tumakas si Korean Fugitive Cho Seong Dae ay ipina-recall sa BI main office at tinanggalan ng overtime pay?! Pero bakit ‘yang si mistah Agtay ay patuloy pa rin daw tumatanggap ng malaking overtime pay?

Hindi ba dapat wala rin siyang overtime pay lalo na kung ang pagbabasehan ay command responsibility?

Dapat pa nga ay sinibak na siya dahil sa paulit-ulit na pagtakas ng puganteng Koreano. Mantakin ninyo ilang beses siyang natakasan ng isang pugante?!

Sus ginoo, wala naman ganyanan sa daang matuwid!!!

Huwag gamitin ang OT pay para gipitin ang mga tunay na empleyado ng bureau. In the first place, pera nang lahat ‘yan at hindi pag-aari ng isang tao!

Konting konsensiya naman!

Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com