Friday , March 29 2024

Cristine at Ali, ikakasal ngayong Enero via Christian wedding

010616 cristine reyes ali

00 fact sheet reggeeMAY pelikula kaagad ang Viva Films sa unang buwan pa lang ng 2016, ang Lumayo Ka Nga Sa Akin na isang trilogy starring Maricel Soriano, Quezon City Mayor Herbert Bautista, Cristine Reyes, Benjie Paras, Candy Pangilinan, Paolo Ballesteros, Jayson Gainza, Antoinette Taus, at Shy Carlos.

Sa presscon ng pelikula sa Music Hall, Metro Walk noong Lunes ay walang tigil sa katatawa ang ilan dahil sa mga nakatatawang sagot ng cast maliban kay Herbert.

Marami ring natuwa nang makita nila si Maricel dahil matagal-tagal na rin siyang hindi napapanood sa pelikula.

Samantala, si Cristine ang pinagtatanong muna tungkol sa plano nilang pagpapakasal ng ama ng anak niyang si Amara na si Ali Khatabi.

“Ye, we plan to make things right this year and we’re hoping for the better, ‘yung future ng family namin, ni Ali and Amara (her baby), of course.”

Pero civil wedding daw muna ang magaganap ngayong buwan ng Enero.

“I mean, civil, meaning, Christian po, hindi po siya sa huwes or something, sa ibang lugar po. Tapos, ‘yung big wedding, we will plan it pa lang po, kasi since marami kaming trabaho ngayon ni Ali na ginagawa, we cannot plan right away for the big wedding. So, right now, we plan to do ceremony, ‘yung kami-kami lang, intimate lang po.

“Ang plano po namin, ako, si Ali and ‘yung pastor namin and witness, ‘yun lang po,” pahayag ni Cristine.

Tuloy pa rin daw sa pagtatrabaho si Cristine kahit may asawa’t anak na siya, “mas maraming trabaho, mas okay.”

Tatanggap pa ba siya ng sexy role, “depende po siguro ‘yun sa project,” mabilis niyang sabi.

Okay lang daw kay Ali ang sexy roles, “si Ali, maintindihin naman ‘yan sa mga bagay. Kung ma-explain mo sa kanya na maganda ‘tong project na ‘to, I’m sure approved naman sa kanya if ever.”

Nabanggit din ni AA (tawag kay Cristine) na pinasok na rin ni Ali ang showbiz dahil kamakailan ay pumirma na rin si Ali ng kontrata sa Viva.

”Viva signed him up. Sa ano siya, eh, Viva Sports. But then again, pinag-workshop siya sa acting,” kuwento ng aktres.

Ang Viva raw ang kumumbinsi kay Ali, “they (Viva) want to.”

”Tawa nga siya ng tawa, eh. Sabi niya, hindi niya alam ang ginagawa niya. Pero we’ll see. Sabi ko naman sa kanya, kung mayroong kumakatok sa pinto mo, alam mo ‘yun? Hindi naman lahat ng tao kinatatatukan ang pinto, eh. Bakit hindi mo buksan?

”Noong una, natakot ako, baka mamaya., alam mo ‘yun, ang daming temptation diyan. Pero sa pagkakakilala ko naman kay Ali, ano eh, ayokong sabihing kampante pero I trust him enough,” kuwento ng aktres.

Mapapanood na ang Lumayo Ka Nga Sa Akin sa Enero 13 mula sa direksiyon nina Mark Meily, Andoy Ranay and Chris Martinez produced ng Viva Films.

FACT SHEET – Reggee Bonoan

About Reggee Bonoan

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *