Friday , March 29 2024

Driver patay, pasahero sugatan (Taxi sumalpok sa poste)

HINDI na umabot nang buhay sa pagamutan ang isang 63-anyos taxi driver habang sugatan ang kanyang pasahero makaraang sumalpok ang kanilang sasakyan sa poste ng signages sa Commonwealth Avenue sa Quezon City kamakalawa ng gabi.

Sa ulat ng Quezon City Police Traffic Enforcement Unit, Sector 5, kinilala ang namatay na si Isidro Gayagot, ng C. Bernardino St., Gen. T. de Leon, Valenzuela City.

Habang sugatan ang pasahero niyang si Mary Grace Padilla, 23, may asawa, ng Lolomboy, Bocaue, Bulacan.

Sa imbestigasyon ni PO2 Alfredo Moises III, dakong 10 p.m. nang mangyari ang insidente sa Commonwealth Avenue, malapit sa Central Avenue, Brgy. New Era, ng lungsod.

Minamaneho ni Gayagot ang kanyang taksing Toyota Vios sedan (UVY-345) sakay si Padilla galing Fairview patungong Philcoa, pagsapit sa lugar ay nawalan ito ng kontrol at sumalpok sa steel post signages na nakatayo sa lugar.

Sa lakas ng impact, nayupi ang unahang bahagi ng taxi kaya humampas ang katawan ni Gayagot sa manibela bukod pa sa pagkaipit ng dalawang binti dahil pumaloob ang makina ng taxi sanhi ng pagkakasalpok.

Nahirapan ang rescue team na makuha si Gayagot dahil sa pagkakaipit bago isinugod sa East Avenue Medical Center ngunit hindi na umabot nang buhay.

Isinugod din sa naturang ospital ang pasaherong babae dahil sa iniindang pananakit ng katawan at upang malapatan ng lunas.

About Almar Danguilan

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *