Friday , March 29 2024

Pagpasok ni Elmo sa ABS-CBN, ikayayanig ng ibang Kapamilya actors

112715 elmo janella

00 fact sheet reggeeANONG nangyari sa tambalang Mario Mortel at Janella Salvador?  Hindi ba sila effective katulad ng JaDine, LizQuen, at KathNiel?

Kaya namin ito nasabi ay dahil galing pa sa ibang TV network ang bagong ka-loveteam ni Janella at ito’y si Elmo Magalona.

Yes Ateng Maricris (nasa presscon ka kahapon), sitsit ng aming source na pumirma na ng kontrata si Elmo sa ABS-CBN kahapon at co-manage siya ng Star Magic at mommy niyang si Pia Magalona.

Diretso ang tanong namin sa aming source kung bakit kinuha ng ABS-CBN si Elmo, eh, hindi naman kasikatan dahil nakailang serye na siya saGMA 7 ay hindi naman nagmarka.

Hindi katulad ni Onyok sa FPJ’s Ang Probinsyano na buong mundo ay kilala ang batang sidekick na ito ni Coco Martin dahil napapanood siya sa pamamagitan ng The Filipino Channel o TFC.

Ang katwiran sa amin ng aming source,  ”Magalona ‘yan kaya may lalim umarte, hindi lang alam ng GMA 7 kung paano ito ilabas, makikita mo ‘pag nasa ABS na siya, lalabas ang husay niya sa pag-arte.”

Sabagay, halos lahat naman ng artistang galing sa GMA 7 ay naging instant superstar at gumaling umarte nang mapunta na sa ABS-CBN.

Hmm, ano ba kasi ang problema sa GMA 7 at hindi magagaling ang mga artista nila? Parang mga nagsisimula palang lahat in terms of acting?

Si Elmo ang ipinakilala ng Dreamscape Entertainment kahapon para sa bagong project for 2016 at si Janella nga ang leading lady ng binata na ang titulo ay Born For You na hango sa awitin ni David Pomeranz.

Family drama at destiny daw ang takbo ng kuwento, ”Music will play a big part in the teleserye,” sabi ni Ateng Maricris.

Anyway, may dating naman si Elmo tulad ng tatay niyang si Francis Magalona at ang balik-tanong nga namin sa source namin ay, ‘ikayayanig ba ng mga taga-Star Magic young actors ang pagpasok ng binata sa Dos?’

“Oo nga, kawawa naman ‘yung ibang young actors ng Star Magic, mas lalo silang matatabunan,” sagot sa amin.

FACT SHEET – Reggee Bonoan

About Reggee Bonoan

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *