Friday , March 29 2024

Hindi totoo ang ‘doomsday asteroid’

100115 doomsday asteroid
NAGING usapin ang iba’t ibang ulat ng ‘doomsday scenario’ sa pagwawakas ng mundo. Nitong nakaraang buwan, isa pang paggunaw ng daigdig ang kumalat bilang prediksiyon na isang dambuhalang asteroid ang pumapaimbulog tungo sa mundo, at maaaring tumama sa planeta hanggang sa unang linggo sa susunod na buwan ng Oktubre.

Kabilang sa mga nanghuhula nito ang self-proclaimed propetang si Efrain Rodriguez, na ang mga prediksiyon ay batay sa tinaguriang ‘Blood Moon Prophecy’ —- isang serye ng apat na kulay dugong buwan na naganap sa nakalipas na 18 buwan.

May katotohanan nga kaya sa mga ulat na ito?

Hindi ito pinaniniwalaan ng United States National Aeronautics and Space Administration (NASA).

Kasunod ng mga sinasabi sa social media na malapit na ang pagwawakas ng daigdig, nabunsod ang NASA na maglabas ng opisyal na pahayag ukol sa prediksyon bilang isang kalokohan lamang.

“Walang scientific basis para rito—wala ni isang ebidensiya—na tatamaan ang ating mundo ng malaking asteroid sa sinabing mga panahon,” pahayag ni Paul Chodas, manager ng Near-Earth Object office ng NASA sa Jet Propulsion Laboratory sa Pasadeña, California.

Ayon sa mga prediskyon, magaganap ang impact ng asteroid malapit sa Puerto Rico na siyang magbubunsod ng pagkagunaw ng planet Earth.

Tinugon ito ni Chodas na kung sakaling may magaganap ngang ganitong pagbangga ng asteroid sa mundo ay dapat lang na nalaman ito ng mga siyentista simula pa lamang ng taon.

Walang natagpuan ang Near Earth Object Observations Program na alinmang kometa o malaking bagay na banta sa mundo sa kalapit na panahon.

Sinabi rin ng NASA na may 0.01 porsyentong posibilidad na tumama ang isang asteroid sa ating planeta hanggang sa susunod na siglo.

ni Tracy Cabrera

About Tracy Cabrera

Check Also

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Krystall Herbal Oil

Peleges sa noo nabanat ng Krystal Herbal Oil

Back to BasicNATURE’S HEALINGni Fely Guy Ong Dear Sis Fely Guy Ong,          Magandang araw …

Moira dela Torre Jethro Cerezo

Moira marami ang ginulat: sexy at  parang tin-edyer

SHOWBIZ KONEKni Maricris Valdez Nicasio MARAMI ang nanibago at ginulat ni Moira dela Torre nang ipakikala ito …

KWF PNU UP DLSU

Lagdaan ng Kasunduan ng KWF, PNU-LSC, UP-Lingg, at DLSU-Filipino para sa idaraos na Pandaigdigang Kumperensiya sa Nanganganib na Wika

Idinaos ang lagdaan ng Memorandum ng Kasunduan ng Komisyon sa Wikang Filipino (KWF), Language Study …

80 NorMin Regional RDI Committee members meets for 2024 plans, initiative

80 NorMin Regional RDI Committee members meets for 2024 plans, initiative

Eighty committee members of the Regional Research, Development, and Innovation Committee (RRDIC) of Northern Mindanao …

Leave a Reply

Your email address will not be published. Required fields are marked *