Thursday , March 28 2024

Hindi parehas na coverage ng MSM halatang-halata

USAPING BAYAN LogoKUNG ano ang init ng “mainstream mass media” o MSM na i-cover ang naganap na karahasan na sa Paris (Pransya) ay siya naman lamig ng kanilang pagbabalita sa kahalintulad na karahasan na naganap sa Sinai, Ehipto (Egypt) at Beirut, Lebanon kung saan mahigit 250 na tao naman ang namatay.

Matatandaan na sinalakay ng mga terorista mula sa Islamic State nitong nagdaan na Biyernes (Nov. 13) ang Paris kung saan 120 tao ang nasawi. Dalawang linggo bago naganap ang pagatake sa Paris ay pinasabog ng mga parehong grupo ng mga terorista ang isang eroplano na pampasahero ng Rusya sa Sinai at 224 na tao naman ang namatay dito. Kasunod nito ay binomba ng pareho pa rin na grupo ang isang Mosque sa Beirut kung saan 43 na tao naman ang nasawi.  

Nakalulungkot ang mga trahedya na naganap Ehipto, Lebanon at Pransya subalit para sa isang mamamahayag na tulad ko ay mas nakalulungkot ang estado ng pandaigdigang na pamamahayag ngayon. Kitang-kita na hindi parehas ang turing ng MSM sa mga trahedya at pangyayari na nagaganap sa mundo.

Malinaw na halimbawa ang MSM Paris coverage na mas pinapahalagahan nila ang istorya’t buhay ng mga Pranses kaysa Ruso o Lebanese. Mas may kiling sila sa mga kuwento ng mga mamamayan mula sa magkakaalyado na mayayaman na kanluranin bansa (rich Western allied nations) kumpara sa mga mamamayan mula sa mga bansa na hindi kanlurani’t mayaman o kabilang sa kanluraning alyansa.

Kapansin-pansin na lahat ng anggulo tungkol sa atake sa Paris ay nabusisi ng MSM at ang mga kasunod na pagluluksa at pakikiramay ay nabigyan nila ng importansya kaya naibabalita maya-maya sa radyo’t telebisyon. Pero Pansinin na wala tayong narinig sa mga sumunod na pangyayari’t kaganapan kaugnay ng pagpapabagsak ng eroplano ng mga Ruso at ang pagatake sa isang mosque ng mga Lebanese Shiite.

Ultimo Facebook at You Tube ay nagpakita ng pagkiling sa mga biktima sa Paris sa pamamagitan ng pagbibigay ng option sa kanilang mga users na mag superimpose ng bandera ng France sa kani-kaniyang profile pictures gayong walang kahalintulad na option para sa mga gusto na maglagay ng bandera ng Rusya o Lebanon sa kanilang profile pictures.

Mapanganib ang ganitong sitwasyon lalo na sa tulad natin dito sa Pilipinas na halos limitado lamang sa MSM ang pinagkukuhanan ng balita tungkol sa daigdig. Hindi natin tuloy nakikita ang perspektiba ng ibang lahi o bansa dahil lunod tayo sa mga kargado na impormasyon at balita mula sa CNN, BBC, FOX at Al Jazeera (na mainstream na rin ngayon).

* * *
Kung ibig ninyong maligo sa hot spring pumunta kayo sa Infinity Resort sa Indigo Bay Subd. Brgy. Bagong Kalsada, Calamba City, Laguna. Malapit lamang sa Kalakhang Maynila at mula sa resort na ito ay tanaw ninyo ang banal na bundok Makiling.

Magpadala ng mensahe sa https://www.facebook.com/privatehotspringresort?fref=tspara sa karagdagang impormasyon o reserbasyon.

About Rev. Fr. Nelson Flores, MSCK, JD.

Check Also

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Dragon Lady Amor Virata

OIC chief of police, kapuri-puri

Isumbong mokay DRAGON LADYni Amor Virata HUMARAP kamakailan si OIC Chief of Police ng lungsod …

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …

Leave a Reply

Your email address will not be published. Required fields are marked *