Friday , March 29 2024

Umasunto sa chairman nagpahayag ng pangamba

NANGANGAMBA ang pamilya Baggang at magkapatid na Michael at Mark Anthony na nagsampa  ng kasong murder laban sa barangay chairman ng Pasay City na si Borbie Rivera ng Brgy 112, Zone 12, sa malakas na impluwensya ng opisyal sa city hall ng Pasay.

Ayon kay Mary Jane Ilustre, malapit na kaanak ng pamilya Baggang, bago pa lumabas ang warrant of arrests kina Michael at Mark Anthony Baggang, sila ay pinagbantaang reresbakan ng asuntong kahalintulad ng kasong isinampa nila laban kay Brgy. Chairman Rivera.

Inihayag ni Ilustre, hindi sila nagpatinag dahil matibay ang ebidensya ng kanilang pamilya laban sa barangay chairman na kasalukuyang nakapiit sa Makati City jail dahilan sa kasong murder o salang pagpatay kay Mark Felizardo Baggang na alyas “Dodong”.

Matatandaan, naaresto ng mga operatiba ng Southern Police District (SPD) si Brgy. Chairman Rivera noong Abril 17, 2015. Nagtataka ang pamilya Baggang kung bakit  naidawit ang magkapatid na sina Michael at Mark Anthony sa isang insidente ng pamamaril sa Barangay Hall ng Brgy. 134, Zone 13 ng Pasay.

Sinasabing kabilang sa tumatayong complainant sa kaso ay ang sinasabing kumpareng buo ni Capt. Borbie na si Brgy. 134, Zone 13 Chairman Maynard Alfaro, na sinasabing dawit din sa pagpatay sa kanilang kapatid na si Dodong. Si Chairman Alfaro ay ‘at large’ o nagtatago pa rin sa batas, iyon ay sa bisa ng inilabas na warrant of arrest ni Makati City Regional Trial Court (RTC) Branch 59 Judge Winlove Dumayas.

Ayon sa tumatayong legal counsel ng magkapatid na Baggang na si Atty Raymond Fortun, maraming iregularidad sa pag usad ng kasong isinampa laban sa kanyang kliyente. Isa rito ang hindi nila pagtanggap ng ano mang kopya ng dokumento o noticed sa Pasay City Regional Trial Court (RTC) Branch 119 sa sala ni Judge Pedro de leon Gutierez.

Aniya kaduda-duda rin ang salaysay ng dalawang bagong saksi sa kaso na wala sa 11 orihinal na eye-witnessed sa panyayari. Sinabi pa ni Fortun ibinasura ng korte ang kanilang kahilingan na makita ang kopya ng kuha CCTV Camera na isa sa sinasabing ebidensiya ng prosekusyon.

Sinabi ni Fortun, nakatakda nilang ihain sa korte ngayong linggo ang mosyon na kumukwestiyon sa inilabas na warrant of arrest sa magkapatid na Baggang dahilan sa nabanggit na mga iregularidad.

About Jaja Garcia

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *