Land Transportation Office (LTO) may maayos na operation pa ba!?

MARAMI ang nagtataka kung bakit sa loob ng huling limang taon ay palpak na palpak ang operasyon ng Land Transportation Office (LTO).

Ilang buwan na lang at matatapos na ang administrasyon ni PNoy pero wala pa rin tayong nakikitang kanais-nais sa performance ng LTO.

Dati, napakabilis mag-renew ng lisensiya. Pupunta lang sa satellite offices sa mga mall, malilibang na, komportable pa habang hinihintay ang mabilis na processing.

Pero ngayon, isinara lahat ang satellite offices ng LTO — ang rason nila, for systems upgrade kuno.

Wee? Hindi nga?!

E sa totoo lang, kapag nag-renew ka ng lisensiya ngayon, mauubos ang oras mo sa haba ng pila sa isang mainit na opisina.

Kapag natapos na ang proseso, resibo o tiket lang ang hawak ng motorista kasi wala pang card sa lisensiya.

Ganoon din sa pag-a-apply ng plaka. Kung ano-anong dakumento lang ang ibibigay sa mga aplikanteng motorista pero wala pa rin plaka.

Sa kasaysayan yata ng LTO, ‘e ngayon lang nangyari ‘yan?!

Kanino bang legacy ‘yan?

Kay Asec. Alpunso ‘este’ Alfonso Tan!?

E malapit na kayong mag-disappear pero sandamakmak na sakit ng ulo pa rin kayo sa taong bayan!

Ay sus!

Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com