Thursday , March 28 2024

Benguet Police director sinibak (Sa mataas na casualties sa bagyo?)

EPEKTIBO kahapon, sibak na sa pwesto ang police provincial director ng Benguet na si Senior Supt. Dave Lacdan, sinasabing dahil sa naitalang mataas na bilang ng casualty ng bagyong Lando sa nasabing lalawigan.

Ayon kay PNP PIO chief, Chief Supt Wilben Mayor, iniutos na ni Chief Supt. Ulysses Bellera na mag-report na muna sa regional headquarters si Lacdan at iwan na ang kanyang posisyon.

Sinabi ni Mayor, ang pagtanggal kay Lacdan ay batay na rin sa direktiba ni DILG Sec. Mel Senen Sarmiento.

Sinasabing ilang araw pa bago ang pagdating ng bagyo ay nagpalabas na sila ng babala kaya gumawa na sana ng mga hakbang ang mga kapulisan.

Base sa tala, 14 ang namatay sa Benguet.

Ngunit may lumutang din na impormasyon na halos 20 na ang patay sa Cordillera.

Itinalaga bilang officer-in-charge kapalit ni Lacdan si Senior Supt. Dave Peredo.

Sa kabila nito, wala pa raw direktang dahilan na natanggap ang OIC provincial director ng Benguet kung bakit sinibak sa pwesto si Lacdan.

Lando casualties isinisi ng Palasyo sa pasaway

IPINASA ng Malacañang sa mga residenteng matigas ang ulo at ayaw palikas kaya nabigo ang target na zero casualty sa pananalasa ng bagyong Lando.

Magugunitang batay sa talaan ng National Disaster Risk Reduction and Management Council (NDRRMC), nasa 28 na ang namatay sa kalamidad habang may ilang bayan pa ang hindi napapasok o na-account ng mga awtoridad.

Sinabi ni Presidential Spokesman Edwin Lacierda, hindi nagkulang ang gobyerno sa pagbibigay babala at paalala sa publiko lalo sa daraanan ng bagyong Lando.

Ayon kay Lacierda, sana ay magsilbing leksiyon sa lahat at iwasan na ang maging pasaway sa abiso ng gobyerno gaya nang preemptive evacuation.

Magugunitang ilang residente sa mapanganib na lugar ang tumangging palikas habang tinawanan pa raw ng iba ang mga sumusundong rescue team.

About Hataw News Team

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *