Friday , March 29 2024

Ina ng mga anak ni Bistek, papasukin na rin ang politika

101615 tates gana herbert bautista

00 fact sheet reggeeFINALLY, natuloy na rin ang pagpasok sa politika ni Ms Tates Gana, ina ng mga anak ni Quezon City Mayor Herbert Bautista na ilang taon ng nauudlot.

Noong Miyerkoles ng hapon ay nag-file na siya ng certificate of candidacy para konsehal sa ikaanim na distrito ng Quezon City.

Sa tanong namin kung bakit naudlot dati, ”ayaw kasi ni Herbert ng dynasty, sabi niya, at saka na lang ‘pag last term na niya as Mayor, eh, last term na niya kaya heto, natuloy na ako,” katwiran sa amin ni Ms Tates.

Maganda ang plataporma ng ina nina Athena at Harvey Bautista, ”matagal na kasi akong tumutulong sa mga nangangailangan, ilang taon na, 20 years na.

“Nakita ko ang kakulangan sa mga maysakit, kakulangan sa gamot, eh, lahat ng tulong ko, came from my own resources so, sa tingin ko siguro mas marami pa akong matutulungan kapag pumasok ako konseho para madagdagan ang budget.

“Lahat ng budget para sa health ay doon ko ilalagay, kasi may Child Haus din akong mini-maintain so iyon ang naisip kong paraan para makatulong.

“Actually, hindi ko naman hilig, hindi ko plano nakita ko lang ‘yung mga kailangang dapat tulungan.

“Hindi ko kaya ‘yung iikot ka sa isang kuwarto tapos kakamayan mo lahat, kasi all these time, 20 years, nasa likod lang naman ako ni Herbert, siya ‘yung nagsasalita, siya ‘yung kumakamay, ako lang ‘yung nagtatrabaho, preparation everything ako.

“Kaya lang ngayon, gusto kong maging legal ‘yung gusto kong gawin, ‘yung pondo ilalagay ko sa dapat paglagyan.”

At kung si Bistek ay kabilang sa Liberal Party ay hindi naman pinalad na mapasama si Tates, ”hindi nila ako kinuha, eh. Sa Nacionalista Party ako, kina Manny Villar. Eh, ganoon talaga,” pahayag ni Ms Tates.

Samantala, hindi bago ang pangalang Tates Gana sa Quezon City dahil sa tuwing may kailangan kaming isangguni sa kanya tungkol sa mga problema sa basura, kalsada, mabagal na usad ng barangay kung saan kami nakarehistro, mga nangangailangan ng tulong sa ospital at nangailangan ng wheelchair ay hindi kami nagdalawang salita.

Kaya nga sabi namin kay Tates sana sa distrito na lang namin siya tumakbo dahil kailangan ng aming barangay ang isang tulad niya na may aksiyon agad kaso, hindi naman siya sa amin nakatira.

Anyway, good luck Ms. Tates sa bago mong papasuking karera na actually ay hindi na bago kundi magiging legal na.

FACT SHEET – Reggee Bonoan

About Reggee Bonoan

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *