Dragon ng korupsiyon tatagpasin ni Kid Peña

Tatapusin na raw ni Makati City acting mayor Kid Peña ang pamamayagpag ng ‘dragon ng korupsiyon’ ng mga Binay.

Aniya panahon na upang tulungan ang mamamayan ng Makati na itayo ang nadungisan nilang dangal.

Hindi na umano papayagan ni Kid Peña na mamayagpag pa ang ‘dragon ng korupsiyon’ sa kanilang lungsod.

Alam nating mabigat ang laban ni acting mayor Kid Peña.

Ang clout ng mga Binay ay hindi lamang hinabi sa isang magdamag kundi dinaig pa ang haba ng deka-dekadang pamumuno ng mga Marcos sa bansa.

Halos tatlong dekadang pinamunuan ng mga Binay ang Makati kaya hindi nakapagtatakang lumalim na rin ang kanilang impluwensiya, koneksiyon at ‘diin’ sa city hall.

Ang laban ni acting mayor Kid Peña laban sa mga Binay ay tila palayok na babangga sa aserong kawali…

Pero sabi nga, wala nang tatatag pa sa wagas na determinasyon lalo na’t kung pinag-iisipang mabuti ang laban.

Sulong KID PEÑA!

Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com