Wednesday , December 12 2018
Breaking News
You are here: Home / Showbiz / Albert at Coco, bine-baby si Arjo

Albert at Coco, bine-baby si Arjo

092415 albert coco arjo

00 fact sheet reggeeHINDI direktang inamin ni Albert Martinez kung kontrabida siya sa seryeng FPJ’s Ang Probinsiyano bilang ama ni Arjo Atayde na mortal na kalaban ni Coco Martin.

May twist daw sa kuwento sabi ni Albert, ”kailangan n’yong panoorin, ha, ha, ha,”tumawang sagot sa amin nang tanungin namin kung ano ang role niya.

Samantala, napuri naman ni Albert si Arjo na unang beses niyang makatrabaho.

“Oo, first time, kaya nga bine-baby namin ni Coco ‘yan kasi he has a great potential at nakita namin ‘yung sarili namin sa kanya (baguhan palang sila). Alam mong may laman at may pupuntahan kaya igina-guide na lang namin siya para umabot sa ganoon (tumaas pa),”kuwento ng aktor.

READ MORE:  Surprise birthday party ni Kathryn kay Daniel, may fireworks display pa!

Tinanong din namin si Albert tungkol sa All Of Me sa balitang mawawala na si JM de Guzman sa serye base na rin sa mga nasulat at kuwento mismo galing sa ABS-CBN.

“Ahh, ‘yung part na ‘yun hindi ko alam (kasi) management ‘yun, eh. Kasi sa akin pilot lang (commitment),” sabi ni Albert.

Walang idea si Albert kung ibabalik pa ang karakter niya bilang tumandang JM.

“Hindi ko alam, unless they present, kasi sa akin, ang commitment ko lang talaga is pilot (week) lang, kung ibabalik ako roon, they have to present (another story) kasi panibago ‘yun,” katwiran niya.

Kapag nawala raw si JM ay ibabalik ang karakter ni Albert na tumanda na lang dahil ito naman daw ‘yung umpisa ng kuwento ng magkakilala sila ni Yen Santos.

READ MORE:  Julia Montes, aalis nga ba ng Dos para sa Mulawin vs. Ravena?

“Ahh, hindi ko alam kasi right now, ‘yung schedule nga nito (‘Ang Probinsiyano’) ang magiging problema, so I don’t know kung anong mangyayari, hopefully maayos lahat, kasi napakagaling na artista naman talaga ni JM, sayang naman.

“At saka ang ganda ng istorya, from matanda to (bata), ayoko ng galawin, at saka tapos na lahat ng eksena ko, ginawa namin ‘yun pilot two months and I’m so happy with the pilot kasi para siyang isang buong pelikula, may umpisa at may dulo, so okay na at nakakatakot namang galawin (ibahin) pa, eh, ang ganda na,” paliwanag ng aktor.

READ MORE:  Beteranong actor, nagulat sa kakaibang ‘tinitira’ ni matinee idol

At higit sa lahat ay hindi na raw niya kakayaning magdalawang serye dahil madugo ang tapings ng Ang Probinsyano.

“Oo, ang schedule, mahirap,” sabi ni Albert.

Anyway, mapapanood na ang Ang Probinsyano sa Setyembre 28 pagkatapos ng TV Patrolkasama ang magagaling na artistang sina Coco Martin, Joey Marquez, Agot Isidro, Bela Padilla, Jaime Fabregas, Arjo Atayde, Maja Salvador, Ana Roces, Dennis Padilla, Lester Llansang, Marvin Yap, Pepe Herrera, John Medina, Michael Jornales, Gio Alvarez, Ramon Christopher, ZaiJan Jaranilla, Simon Pineda, Malou Crisologo, Malu de Guzman, at Ms. Susan Roces mula sa direksiyon nina Avel Sunpongco at Malu Sevillahandog ng Dreamscape Entertainment.

FACT SHEET – Reggee Bonoan

COMMENTS

About Reggee Bonoan

Scroll To Top
 

Copyright hatawtabloid.com | All Rights Reserved