Friday , March 29 2024

Kasalang Vic-Pauleen, ‘di pa plantsado

091115 Vic Pauleen

00 Alam mo na NonieNILINAW ni Bossing Vic Sotto na wala pang detalye ang kasal nila ng kasintahang si Pauleen Luna. Kumalat ang bali-balita sa napipintong pagpapakasal nina Vic at Pauleen nang umamin si Vic kamakailan na engaged na sila ni Pauleen. Marami kasi ang nakapasin sa suot nitong diamond ring sa Eat Bulaga ni Pauleen.

Kasunod nito, napa-ulat na ngayong Disyembre na raw magpapakasal sina Vic at Pauleen, na apat na taon na ang itinatakbo ng relasyon.

Although aminadong excited na ang komedyante hinggil sa bagay na ito, pero hindi pa raw niya talaga ito iniisip pa muna.

“Wala pa eh, no details. Hindi ko alam kung saan nanggagaling ang mga balita, mga haka-haka lang iyan. May nagsasabing end of the year daw,” esplika ng ace comedian.

Sinabi rin ng TV host/comedian na kung sila ni Pauleen ang masusunod, mas gusto nila ang intimate o pribadong kasalan.

“Kasi naman kami ni Pauleen we’re not into that mga engrandeng celebration, talagang sakto lang, mga kaibigan, family, mga Dabarkads…”

Itinanggi rin ni Vic ang balitang kaya nasa Amerika ngayon si Pauleen kasama ang mother nito ay para bumili na ng wedding gown. Pumunta lang daw roon ang kasintahan para dumalo sa kasalan.

“Ay hindi naman, she attended the wedding of her friend, wala pa naman kaming napapag-usapan na ganoong details. For me I’m so excited pero hindi ko pa talaga iniisip sa ngayon.”

Ang inamin ni Vic ay ang ipinapatayo nilang bahay. Matagal na raw nila itong pinlano, pero hindi pa raw tapos ang bahay.

“Hindi pa, itinatayo pa. Matagal na namin inaayos iyan. Long-range planning, e. It’s not something na, ‘Halika na, na biglaan.”

Sinabi rin ni Vic na matagal na rin nilang napag-usapan ni Pauleen ang hinggil sa paglagay sa tahimik.

“Basta I’m looking forward of settling down, iyong family. Ganoon lang kasimple. Wala akong pinagtutuunan ng pansin na ganito ang gagawin ko, gagawin natin.

“Hindi naman ako yung tipong ganoon, e. I live my life a day at a time. Kung ano ang nandiyan, kung anong dapat gawin.

“Marami kaming mga plano, marami na kaming mga napag-usapan and yun naman ishe-share ko sa inyo, ishe-share ko sa mga Dabarkads, sa lahat ng mga tao na sumusubaybay, sa tamang panahon.”

Samantala, hindi na pala Romcom-in Mo Ako ang title ng entry nina Vic at Ai Ai delas Alas sa 2015 Metro Manila Film Festival. Pinalitan na pala ito at ginawa ng  My Pabebe Love na isinulat at pamamahalan ni Direk Joey Reyes.

“Definitely it’s not fantasy and for me it’s my first time doing a rom-com, talagang serious na rom-com and first time ko ito.

“I’m really very excited na masimulan na ang pelikulang ito and hopefully maayos lahat ng casting,” saad pa ni Vic.

Kompirmadong bahagi ng pelikula si Alden Richards. Pero hindi pa raw pala sigurado kung kasali na rin si Maine Mendoza aka Yaya Dub sa naturang pelikula. Depende pa raw ito kung ano ang susunod na mangyayari sa patok na patok na Kalyeserye ng Eat Bulaga.

Pero nararamdaman ko na makakasali dyan si Yaya Dub. Ang lakas kasi ng hatak ni Maine sa masa at sure ako na isa ito sa iko-consider nina Vic at Ai Ai, pati na ng mga producers ng naturang pelikula.

Matindi ang kompetisyon sa darating na MMFF at siguradong maraming AlDub fanatics ang susuporta nang todo-todo sa My Pabebe Love kung mapapanood nila rito ang mainit na tambalan nina Alden at Maine.

ALAM MO NA! – Nonie V. Nicasio

About Nonie Nicasio

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *