Friday , March 29 2024

Chinese Erotica Art

081015 Sothebys
MARAMING uri ng sining at isa rito ay kakaiba at kinahihiligan ngayon bagamat itinuturing na bastos o malaswa ng ilang mga art lover.

Naka-exhibit sa Sotheby’s Gallery sa Hong Kong ang sinaunang Chinese erotica art, na koleksiyon ni Ferdinand Bertholet at ehemplo ng mga artwork mula sa Han Dynasty (206 BC-AD 220) hanggang Qing Dynasty (AD 1644-AD 1911) ng Tsina.

Ayon kay Bertholet, pinili niya ang Hong Kong bilang venue para sa exhibit na ‘Gardens of Pleasure: Sex in Ancient China’—at hindi sa mainland China—dahil nangangamba siyang kompiskahin ng mga Chinese authorities ang kanyang koleksyon.

“Ang dahilan dito ay ipinapakita sa gallery ang may pagka-explicit view ng mga sinaunang Chinese. Medyo kakaiba na kapag pinagmasdan mo ang mga painting, makikita nating may pagkabulgar. Makikita n’yo ang hubad na katawan sa bawat detalye nito. Ngunit ang hindi n’yo makikita sa alin mang piyesa ang paa na walang saplot o sapatos. Hindi ginagawa ito,” punto ng kolektor sa pagpapaliwanag ng artwork na may ika-anim na siglong foot binding stool na may kasamang isang pares ng seda at ginintuang ‘lotus’ slippers.

Ani Bertholet, ito ang kagandahan ng Chinese erotica.

Sinabi rin nito na naimpluwensiyahan ng Daoismo (mga turo ng Tao) ang sinaunang Chinese people para ipakita ang kanilang hubad na katawan.

“Alam n’yo, walang mga ‘hangup’ ang Chinese tulad ng mga Kristiyano. Wala silang ‘sin feeling’ pero hindi ito nanga-ngahulugang ang pagka-liberated nila’y buong-buo. Mayroon silang mahalagang aspeto sa kanilang pilosopiya, at iyon ang Daoismo, at sa Daoist philosophy, (ang mga tao) ay maaari lang maging masaya kung may kaalaman sila sa tamang paraan ng pakikipagtalik,” pagtatapos ni Bertholet.

Kinalap ni Tracy Cabrera

About Tracy Cabrera

Check Also

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Krystall Herbal Oil

Peleges sa noo nabanat ng Krystal Herbal Oil

Back to BasicNATURE’S HEALINGni Fely Guy Ong Dear Sis Fely Guy Ong,          Magandang araw …

Moira dela Torre Jethro Cerezo

Moira marami ang ginulat: sexy at  parang tin-edyer

SHOWBIZ KONEKni Maricris Valdez Nicasio MARAMI ang nanibago at ginulat ni Moira dela Torre nang ipakikala ito …

KWF PNU UP DLSU

Lagdaan ng Kasunduan ng KWF, PNU-LSC, UP-Lingg, at DLSU-Filipino para sa idaraos na Pandaigdigang Kumperensiya sa Nanganganib na Wika

Idinaos ang lagdaan ng Memorandum ng Kasunduan ng Komisyon sa Wikang Filipino (KWF), Language Study …

80 NorMin Regional RDI Committee members meets for 2024 plans, initiative

80 NorMin Regional RDI Committee members meets for 2024 plans, initiative

Eighty committee members of the Regional Research, Development, and Innovation Committee (RRDIC) of Northern Mindanao …

Leave a Reply

Your email address will not be published. Required fields are marked *