Friday , March 29 2024

Bagong world record para sa ‘planking’

080415 guiness planking
IILAN lamang ang makapagsasabing kaya nilang panghawakan ang isang ‘plank’ nang mahigit limang minuto, lalo na kung limang oras pa. Sadyang mahirap na gawin ito kahit pa magsanay nang araw-araw dahil ang tunay na kailangan dito ay endurance at lakas.

Ngunit isang lalaki ang bumasag kamakailan ng Guinness World Records sa pamamagitan ng pagpa-planking nang mahigit sa limang oras.

Sa pagnanais na makatulong at makalikom ng salapi para sa mga nasugatang sundalo ng United States Marines, kina-yang hawakan ni dating U.S. marine George Hood ang isang plank sa loob ng limang oras, 15 minuto at limang Se-gundo—isang bagay na siya pa lang ang napa-ulat na nakagawa.

Ang huling record sa ‘planking’ ay hawak ni Mao Weidong ng Beijing, China, na umabot sa apat na oras at 26 minuto.

Gumugol ang 57-anyos na si Hood ng araw-araw na pagsasanay sa nakalipas na siyam na buwan para maisagawa ang record attempt, na umaasa naman ang ex-Marine na makatatawag ng pansin sa kalalakihan at kababaihang nanunungkulan sa U.S. military service.

“May mga nasugatang Marines na nagbalik mula sa laban, na ang mga sugat ay life-altering kaya ang discomfort na aking nararamdaman ngayon ay balewala kung ihahambing sa kanilang dinaranas,” punto ni Hood sa panayam ng NBC San Diego matapos maitala ang kanyang world record.

Kinalap ni Tracy Cabrera

About Tracy Cabrera

Check Also

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Krystall Herbal Oil

Peleges sa noo nabanat ng Krystal Herbal Oil

Back to BasicNATURE’S HEALINGni Fely Guy Ong Dear Sis Fely Guy Ong,          Magandang araw …

Moira dela Torre Jethro Cerezo

Moira marami ang ginulat: sexy at  parang tin-edyer

SHOWBIZ KONEKni Maricris Valdez Nicasio MARAMI ang nanibago at ginulat ni Moira dela Torre nang ipakikala ito …

KWF PNU UP DLSU

Lagdaan ng Kasunduan ng KWF, PNU-LSC, UP-Lingg, at DLSU-Filipino para sa idaraos na Pandaigdigang Kumperensiya sa Nanganganib na Wika

Idinaos ang lagdaan ng Memorandum ng Kasunduan ng Komisyon sa Wikang Filipino (KWF), Language Study …

80 NorMin Regional RDI Committee members meets for 2024 plans, initiative

80 NorMin Regional RDI Committee members meets for 2024 plans, initiative

Eighty committee members of the Regional Research, Development, and Innovation Committee (RRDIC) of Northern Mindanao …

Leave a Reply

Your email address will not be published. Required fields are marked *