Wednesday , September 19 2018
Breaking News
You are here: Home / News / LP solid kay Mar

LP solid kay Mar

“Now, we don’t have differing opinions, we have only one opinion to rally behind Roxas,” eto ang mariing pahayag ni Speaker at LP Vice Chairman Feliciano ‘Sonny’ Belmonte kamakailan pagkatapos hingan ng reaksiyon sa ilang haka-haka na mabibitak ang Partido Liberal.

Pinipilit palutangin ng ilang kampo na hindi lahat sa LP ay suportado si DILG Secretary Mar Roxas, na siyang inendorso ni Pangulong Noynoy Aquino bilang kanyang pambato laban kay Vice President Jejomar Binay sa halalan 2016.

Ngunit taliwas ito sa ipinakita ng mga miyembro ng LP noong Biyernes sa Club Filipino dahil full force sa tinawag na ‘Gathering of Friends’ para sa pormal na anunsiyo ng endorsement kay Roxas. Pinangunahan nina Senate President Franklin Drilon at Speaker Belmonte ang mga miyembro ng LP na dumagsa sa nasabing event, tulad nina Senador Bam Aquino, Ralph Recto at TG Guingona.

Kompleto rin ang attendance ng mga batang congressman tulad nila Kit Belmonte, Miro Quimbo, Dax Cua, Dan Fernandez, Sam Gullas at Alfred Vargas. Nasipat din sina Iloilo Representative Jerry Treñas, dating Quezon Representative Erin Tañada at kanyang ama na si dating senador Wigberto Tañada.

Emosyonal ang naging pagtanggap ni Roxas sa endorso ni PNoy. Sinabi ni Roxas, “Pakiramdam ko, ipinapasa mo sa akin ang mga ipinaglaban ng iyong mga magulang. Malaking karangalan po sa akin ‘yun, Mr. President.”

Nangako si Roxas na itutuloy ang nasimulan ni PNoy sa Daang Matuwid.

“Isinusumpa ko ngayon, hindi ko dudumihan ang pangalan nila, at lalong hindi ko dudumihan ang pangalan mo,” panata kay Pangulo.

COMMENTS

About jsy publishing

Scroll To Top
 

Copyright hatawtabloid.com | All Rights Reserved