Categories: News

KWF: Hataw Huwaran (Filipino hindi Pilipino)

ITINUTURO ni Dr. Purificacion Delima, Full-time na Komisyoner sa Ilokano ng Komisyon sa Wikang Filipino (KWF) kasama sina Dr. Benjamin Mendillo at G. John Enrico Torralba na kapwa officer-in-charge sa Edukasyon at Networking, ang logo ng pahayagang HATAW bilang isa sa mga huwarang diyaryo pagdating sa pagpapalaganap ng wastong paggamit ng Wikang Filipino sa pagbabalita sa ginanap na Kapihang Wika sa National Commission for Culture and the Arts (NCCA), Intramuros, Maynila nitong Biyernes, Hulyo 31, 2015. (Kuha ni BONG SON)

HINIRANG ng Komisyon sa Wikang Pilipino (KWF) ang Hataw Tabloid bilang isa sa mga huwarang diyaryo pagdating sa pagpapalaganap ng wastong paggamit ng Wikang Filipino sa pagbabalita sa ginanap na Kapihang Wika sa National Commission for Culture and the Arts (NCCA), Intramuros nitong Biyernes.

Layunin ng Kapihang Wika na ipalabas sa unang pagkakataon ang Kapasiyahan ng Kalipunan ng mga Komisyoner Blg. 15-08 Serye ng 2015 patungkol sa pagpatibay ng kapasiyahan para sa mungkahing paggamit ng “Filipino” sa halip na “Pilipino” bilang pantukoy sa tao at kultura ng Filipinas.

Sa mabilisang pag-uulat ni G. John Enrico Torralba, Officer-in-charge ng Sangay ng Edukasyon at Networking, sa paggamit ng Wikang Filipino sa Midya, kaniyang ibinida ang karamihan sa ulo ng balita ng Hataw tabloid na gumagamit ng tamang pagbaybay, pagbabantas at wastong paggamit ng Wikang Filipino.

Umani ng papuri ang nasabing diyaryo kabilang ang miyembro nito dahil sa suportang ibinibigay sa KWF lalo sa pagsulong ng estandardisadong paraan ng paggamit ng Wikang Filipino.

Bukod sa Hataw, kinilala rin ang tatlo pang pahayagan bilang tagapagsulong sa layon ng Komisyon.

Patuloy na hinihikayat ng panauhing tagapagsalitang si Dr. Purificacion Delima, Full-time na Komisyoner sa Ilokano, hindi lamang ang mga pahayagan kundi pati radio at telebisyon sa wastong pagpapalaganap ng Ortograpiyang Filipino.

Sa kabilang banda, nakahanay na ang mga aktibidad ng KWF para sa darating na pagdiriwang ng Buwan ng Wikang Pambansa.

Kaugnay nito hinimok ng KWF ang mga taga-midya na maging mapanuri sa tamang paggamit ng Wikang Filipino.

Ayon kay Dr. Delima, napalakas ng impluwensiya ng midya, hindi lamang sa National Capital Region (NCR) kundi sa buong Filipinas kaya’t nararapat na tama ang paggamit ng wikang Filipino.

“Mahirap naman po na sa paaralan ay tinuturuan sila (mga mag-aaral) ng tamang porma ng wikang Filipino pero pagdating naman sa TV, sa radio, sa print media… e, taliwas sa kanilang natutuhan,” dagdag ni Dr. Delima.

Aniya, hindi hiram na mga titik ang f, v, z dahil may mga salita mula sa ilang rehiyon, na dati nang kabilang sa Wikang Pambansa, na ginagamit ang nasabing mga titik.

Layunin nito na magkaroon ng konsistensi sa pagbabaybay ng salitang “Filipino” bilang wika, tao at kultura.

Hinikayat ng mga tagapagsalitang na pasimulan ng mga mamamahayag na dumalo ang paggamit ng nasabing pagbabago.

Bagaman nitong Biyernes lang naisapubliko, noong Mayo 2015 ipinagtibay ng nasabing kalupunan ang kapasiyahan ng KWF.

ni Rhea Fe G. Pasumbal

May kasamang ulat nina

ANNE MARIELLE EUGENIO,

BEATRIZ Q. PEREÑA

COMMENTS
Rhea Fe G. Pasumbal

Share
Published by
Rhea Fe G. Pasumbal

Recent Posts

Jodi, muling nag-top sa klase

SA mga tinatamad nang mag-aral dahil malaki na ang kita nila at may anak na, tularan n’yo si Jodi Sta. Maria. …

24 mins ago

Controversial businesswoman Kath Dupaya handang humarap sa korte (Kapag ‘di totoong tax evader si Joel Cruz)

Bumalik sa bansa kamakailan ang controversial na businesswoman na si Kath Dupaya at ilang araw lang  siyang nag-stay at agad…

29 mins ago

RS Francisco super husay na stage actor

Marami na kaming napanood na stage play pero masasabi naming isa sa pinakamaganda at most expensive local play itong pinagbibidahang…

31 mins ago

Libre ang magpa-book at manood sa Eat Bulaga nang Live

NABUKO ni Willie Revillame ang modus ng mga booker sa kanyang variety game show na niraraket ang mga kaawa-awa nating…

34 mins ago

Sylvia at Carlo, nanguna sa opening ng BeauteDerm 41st branch sa Ali Mall

SOBRANG naging successful ang ginanap na opening ng 41st physical store ng Beautefy by Beautederm sa Ali Mall. Dinumog ng mga…

47 mins ago

Sen. Angara, isinusulong ang bill para sa tax incentives sa film at TV tourism

ISINUSULONG ni Sen. Sonny Angara ang bill para sa tax incentives sa film at TV tourism. Base sa bill na…

50 mins ago