Friday , March 29 2024

Hotline isinulong ng ASEAN para sa West PH Sea

PINAG-UUSAPAN ng China at ASEAN ang paglikha ng “hotline” para sa emerhensiya kaugnay ng pinag-aagawang teritoryo sa West Philippine Sea.

Ayon kay DFA Spokesman Charles Jose, pinag-usapan ang “hotline” kasabay ng pagpupulong ng senior diplomats mula China at Association of Southeast Asian Nations, sa Tianjin.

Ngunit ayon kay Jose, ibinalik ang usapin sa joint working group at hindi pa naisapinal.

“Although this was agreed in principle as an early harvest measure, it needs thorough discussion,” wika ni Jose.

Nabatid na kabilang sa mga bansa na may claims sa West Philippine Sea ang Brunei, Malaysia, at Vietnam maging ang China, Taiwan at Filipinas.

Ang iba pang bansa na kabilang sa ASEAN tulad ng Indonesia, Cambodia, Laos, Myanmar, Singapore, at Thailand, ay isinusulong ang pagtatag ng “code of conduct” kasama ang China upang maiwasan ang karahasan sa pinag-aagawang teritoryo.

China-Asean hotline welcome sa DND

ISANG magandang development sa panig ng Department of National Defense (DND) kung tototohanin ang balita na ipinalabas ng China at ng Association of Southeast Asian Nations (ASEAN) para magbukas ng hotline na siyang tutugon sa isyu ng pinag-aagawang teritoryo sa bahagi ng South China Sea.

Ayon kay Defense spokesperson Dr. Peter Paul Galvez, ang pagkakaroon ng bukas na communication lines sa pagitan ng China at ASEAN ay isang positibong hakbangin para maibsan ang tensiyon sa disputed islands sa West Philippine Sea.

Sinabi ni Galvez, importante rito na maging sinsero ang lahat ng claimant countries.

Dahil sa walang humpay na reclamation activities ng Beijing sa South China Sea, uminit ang tensiyon sa lugar.

Dulot ng iba’t ibang untoward incidents sa pagitan ng Chinese coastguard personnel at ng mga mangingisdang Filipino kaya’t lalong umasim ang relasyon ng Filipinas at China.

Teritoryo kayang idepensa ng AFP (Defense capabilities kahit limitado)

TINIYAK ng pamunuan ng Armed Forces of the Philippines (AFP) na kayang idepensa ng militar ang teritoryo ng bansa kahit limitado ang military capabilities.

Ayon kay AFP Public Affairs Office (PAO) chief, Col. Noel Detoyato, bagama’t hindi sapat ang defense capabilities ng AFP hindi katulad ng China at iba pang mga bansa na claimants sa pinag-aagawang teritoryo sa West Philippine Sea, kayang idepensa ng militar ang teritoryo nito.

Sinabi ni Detoyato, ang pagdepensa sa teritoryo ng bansa ay isa sa mga pangunahing utos sa mga sundalo kaya’t gagawin nila ang lahat ng kanilang makakaya para protektahan ito.

Batay sa ipinalabas na dokumento ng Japan Defense Ministry na may titulong “China’s Activities in the South China Sea,” ipinakita ang mahinang military capability ng AFP na napag-iwanan na sa mga bansa gaya ng China, Vietnam at Malaysia partikular sa Naval at Air Force capabilities.

Sa nasabing dokumento, ang Filipinas ay may pinakakaunting warships na nasa 80, ang China mayrong 892, Malaysia 208, at ang Vietnam ay 94.

Sa apat na bansang pawang claimants, ang Filipinas lamang ang walang submarine, at ang may pinakamaraming aircraft ay China na mayroong 2,582; Vietnam mayroong 97, Malaysia 71 at ang Filipinas ay meron lamang 26.

Inihayag din sa nasabing report na ang Filipinas ay bumili ng 12 Korean jet fighters FA-50 noong 2014, na nakatakdang gamitin sa taon 2017 pa.

About jsy publishing

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *