Friday , March 29 2024

Stormtrooper naglakad ng 650 milya

073015 Stormtrooper

“GUSTO nilang maglakad ako at pasalamatan para sa ginagawa kong awareness,” pahayag ni Allan Doyle sa panayam ng Cost News. ”Para sa akin, naglalakad ako bilang pag-alala sa aking maybahay, ngunit nagtitipon ang mga tao para gawin itong espesyal. At itinuturing nila itong personal para sa kanila, na hindi ko inaasahang gagawin nila—na tatanggapin ako ng mga tao sa ganitong paraan.”

Bukod sa kanyang paglalakad nang mahigit 650 milya, nagpa-fundraising din si Doyle sa pangalan ng kanyang asawang si Eileen, at sa kasalukuyan ay nakalikom na ng US$4,065 para ibili ng mga blanket, laruan at iba pang item na kanyang ido-donate para sa mga kabataang may sakit na kanser.

Nagsimula ang paglalakad ni Doyle noong Hunyo 6 sa Rancho Obi-Wan, ang unofficial Star Wars ‘museum’ na minamantine ni Stephen J. Sansweet, may-ari ng pinakamalaking koleksiyon sa mundo ng mga souvenir mula sa pelikulang Star Wars.

Simula noon, naglakad si Doyle ng 20 milya kada araw, at kung minsan pa nga ay umaabot ng 45 milya, tulak ang jogging stroller na naglalaman ng kanyang gear: isang tulugan, upuan, tarp at iba pa niyang pangangailangan.

Nakadalo siya sa Comic-Con weekend sa San Diego sa mabuting kalooban ni Sansweet na nagbigay sa kanya ng pass para makapunta rito, bukod sa apat na araw na libreng pagtira sa isang hotel na pinopondohan ng 501st Legion, isang charitably minded organization ng mga Star Wars cosplayer.

Sa pagbalik niya mula sa San Diego, inaasahang tutuloy si Doyle para tawirin ang Golden Gate Bridge kasama ang buong garrison ng mga naka-costume na Stormtrooper mula sa 501st.

Kinalap ni Tracy Cabrera

About Tracy Cabrera

Check Also

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Krystall Herbal Oil

Peleges sa noo nabanat ng Krystal Herbal Oil

Back to BasicNATURE’S HEALINGni Fely Guy Ong Dear Sis Fely Guy Ong,          Magandang araw …

Moira dela Torre Jethro Cerezo

Moira marami ang ginulat: sexy at  parang tin-edyer

SHOWBIZ KONEKni Maricris Valdez Nicasio MARAMI ang nanibago at ginulat ni Moira dela Torre nang ipakikala ito …

KWF PNU UP DLSU

Lagdaan ng Kasunduan ng KWF, PNU-LSC, UP-Lingg, at DLSU-Filipino para sa idaraos na Pandaigdigang Kumperensiya sa Nanganganib na Wika

Idinaos ang lagdaan ng Memorandum ng Kasunduan ng Komisyon sa Wikang Filipino (KWF), Language Study …

80 NorMin Regional RDI Committee members meets for 2024 plans, initiative

80 NorMin Regional RDI Committee members meets for 2024 plans, initiative

Eighty committee members of the Regional Research, Development, and Innovation Committee (RRDIC) of Northern Mindanao …

Leave a Reply

Your email address will not be published. Required fields are marked *