Thursday , September 20 2018
Breaking News
You are here: Home / Showbiz / Gerald, may video scandal din daw

Gerald, may video scandal din daw

071815 Gerald Anderson

TIGILAN na ninyo iyang mga tsismis sa social media tungkol diyan sa mga scandal na iyan. Ang huli namang binibiktima nila ay si Gerald Anderson. Nakita namin ang video, at ano man ang sabihin ninyo hindi si Gerald iyon. Ang laki-laki ng tiyan niyong nasa video, paano ninyong sasabihing si Gerald iyon?

At sa klase ba naman ni Gerald na ganoon ang popularidad, palagay ninyo gagawa pa siya ng mga ganoong bagay na alam niyang makasisira sa kanya? Ang gumagawa lang ng mga ganyan ay iyong mga taong naniniwalang walang mawawala sa kanila, kumalat man iyon. Pero para sa isang sikat na actor, bakit niya iisiping gumawa ng ganoon?

Kung sa bagay, hindi naman bago ang mga ganyang tsismis. Hindi ba noong araw kahit si Ate Vi natsismis na “may betamax”. Hindi ba ang daming natsismis din na may video? Hindi na bago sa pandinig natin ang ganyan.

Ang sinasabi lang namin, may mga taong napakahilig gumawa ng tsismis. Kung nakikita naman ninyo na hindi totoo, bakit kailangan pang ikalat at sabihing duda kayo kung siya nga iyon o hindi? Isa pa, ano ba ang makukuha ninyo kung may fake ngang scandal video si Gerald?

Huwag na hindi kasi may maitsismis lang.

HATAWAN – Ed de Leon

COMMENTS

About Ed de Leon

Scroll To Top
 

Copyright hatawtabloid.com | All Rights Reserved