Friday , March 29 2024

MILF mahirap pagkatiwalaan – Alunan

HINDI komporme si dating Department of Interior and Local Government Secretary Rafael M. Alunan III sa sapilitang pagsasabatas ng kontrobersiyal na Bangsamoro Basic Law (BBL) para lamang mapagbigyan ang Moro Islamic Liberation Front (MILF) na labis nang ginagamit ang salitang kapayapaan.

Para kay Alunan, maraming paraan para matamo ang kapayapaan pero dapat din isaalang-alang ang kapakanan ng Inang Laya na posibleng magkawatak-watak kung maisasabatas ang BBL na nirepaso kamakailan sa Kongreso .

“Lahat tayo gustong makamit ang kapayapaan at dapat talagang kumilos tayo para makamit iyon. Pero hindi ako sang-ayon sa BBL. Tinututulan ko ito dahil unang-una, na-mismanaged na agad ang proseso nang sinimulan ito,” paliwanag ni Alunan nang kapanayamin ng Bombo Zamboanga.

 Idinagdag ni Alunan na maraming itinatago ang nasabing panukala kaya hindi maiwasang magkaroon ng pagdududa ang sambayanang Pilipino kahit amyendahan pa sa muling pagbubukas ng sesyon ng dalawang kapulungan. 

“Hindi open, hindi transparent. At saka maraming mga provisions diyan sa Comprehensive Agreement on the Bangsamoro at saka iyong BBL na very unconstitutional and will lead to dismemberment of the country,” diin ni Alunan.

Idinagdag niya na nakababahala rin ang kawalan ng katapatan ng MILF na ginagamit ang salitang kapayapaan pero mababasa sa kanilang mga ikinikilos ang tunay nitong adhikain – ang makapagtatag ng sariling Islamic state sa loob mismo ng Pilipinas.

“Iyong mga kausap natin, mahirap pagkatiwalaan at palagi nilang ipinakikita na sadyang hindi sila pupuwedeng pagkatiwalaan kasi malapit pa rin sa puso nila ang makapagtayo ng independent Islamic state. Iyon ang sinabi ni Hashim Salamat time and again noong nabubuhay pa siya. At ito ang layunin ng MILF, ang magkaroon sila ng independent Islamic state.

Masama rin ang loob ni Alunan dahil kung tapat na nagmamahal ang MILF sa ating bansa, bakit hindi masabi ng mga miyembro nito na sila ay Pilipino at mas ipinagmamalaki pa ang kanilang pasaporteng Malaysian.

“Hindi nila ikinokonsiderang sila ay mga Pilipino. Tinatawag nila ang sarili nila na Moro ngunit hindi sila Pilipino. Kaya sa ganitong sitwasyon, napakahirap pagkatiwalaan  ang MILF,” dagdag ni Alunan.

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *