Friday , March 29 2024

Rason ng pagpapakamatay ni Julia, ‘wag nang pag-usapan

 

SA kabila ng kahilingan ng kanyang mga magulang na sana ay maging pribado ang lahat sa kanilang pagdadalamhati sa pagyao ni Julia Buencamino, hindi rin naiwasan ang mga tao dahil natural may mga artistang kaibigan nila na nagtungo rin sa wake ni Julia.

Inilagak ang labi ni Julia sa Our Lady of Mt.Carmel Church, na isang public place naman, kaya mayroon ding ibang mga taong nakapunta roon.

Ang maganda nga lang, hindi na rin naman humaba ang usapan matapos na hilingin din ng kanyang ama, ang actor na si Noni Buencamino, na itigil na rin ang kung anumang imbestigasyong maaari pang gawin ng pulisya dahil kumbinsido naman ang pamilya na ang nangyari ay isang kaso ng suicide, ibig sabihin wala namang foul play. Pero kasi iyang mga ganyang kaso, police matters iyan eh, kaya nagkaroon pa rin ng initial investigation.

Binigyan si Julia ng tribute ng mga kasama niyang artista sa afternoon series na Oh My G. Nagpahayag din ng labis na kalungkutan ang bida nilang si Janella Salvador. Ganoon din ang marami pang ibang mga naging kaibigan ni Julia sa maikling panahon ng kanyang pananatili sa showbusiness.

Marami ang nagsasabi na hindi nila lubos na maisip na mangyayari ang ganoon, dahil masayahing bata naman si Julia, napakahilig sa arts, ang totoo ay mayroon pa nga siyang sketches. Hindi nila iniisip na may pinagdaraanan siyang depression na maaaring magtulak sa kanya sa ganoong desisyon. Wala rin namang maliwanag kung may pinagdaraanan nga ba siyang depression, o ano man na maaaring nagtulak sa kanya na mag-suicide.

Pero kagaya nga ng kahilingan ng kanyang mga magulang, pabayaan na lang natin iyon at huwag nang pag-usapan pa.

Halos kasabay din ng kuwentong iyan ay ang istorya naman ng pagyao ni Rey Pedroche, siya ang sikat na newscaster noon ng RPN 9 na kung ilang dekada rin namang naghahatid sa atin ng balita.

Yumao na rin sa edad na 74 sa isang ospital sa Quezon City ang beteranang aktres na si Lucita Soriano.

Ipanalangin na lang po natin ang kanilang mga kaluluwa.

HATAWAN – Ed de Leon

About Ed de Leon

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *