Dyowa nagtrabaho sa Maynila kelot nagbigti

NAGA CITY – Tuluyan nang kinitil ng isang lalaki ang kanyang sarili makaraan ang ilang ulit na pagbabanta na magpapakamatay sa Gumaca, Quezon.

Kinilala ang biktimang si Julius Cabangon, 27-anyos.

Napag-alaman, nagsimulang mag-iba ang kilos ng biktima mula nang umalis ang kanyang kinakasama upang magtrabaho sa Maynila.

Nauna rito, ilang ulit nagsabi sa kanyang mga kaanak ang biktima na magpapakamatay siya dahil sa problema sa pamilya ngunit hindi nila inakala na tototohanin ni Cabangon ang banta.

Pasado 9:45 a.m. kahapon nang matagpuan ng mga kaanak ang biktimang nakabitin sa loob ng kanyang kwarto.