Tuesday , November 13 2018
Breaking News
You are here: Home / Sports / Wala nang kalaban si Court of Honour sa Triple Crown?

Wala nang kalaban si Court of Honour sa Triple Crown?

 

00 kurot alexTINANGGALAN ng korona si Floyd Mayweather Jr ng World Boxing Organization dahil sa di pagtalima sa regulasyon ng boxing body.

Ito yung titulo na inagaw niya noon kay Manny Pacquiao nang maglaban sila sa WBO welterweight title fight.

Pero ano nga ba ang “big deal” dun?

Tinanggal man kay Floyd ang titulo ay hindi rin naman iyon maibabalik kay Pacquiao.

Well, tingin natin sadya talagang isinantabi ni Floyd ang WBO dahil mas preperable niya ang WBC dahil tipo bang maididikta niya doon ang kanyang mga piling laban.

Kaya mawala man kay Mayweather ang titulo sa WBO ay okey lang.

0o0

Sa darating na Linggo na lalargahan ang 3rd Leg ng 2015 Triple Crown sa Metro Turf.

READ MORE:  Karera ngayong Martes at Miyerkoles ililipat sa MJCI

Sad to say na hindi makakasali ang 1st Leg winner na si Superv na ayon sa ating source ay masyadong nasagad sa huling laban nito sa Erap Cup kaya pinagpahinga.

Ang opiyal na nakalistang kalahok sa 3rd Leg ay ang mga kabayong Dikorik Koridak, Icon, Miss Brulay, Money Talks, Princess Ella, Sky Hook at ang 2nd Leg winner na si Court of Honour.

Mukhang napabor ang pagkawala ni Superv kay Court of Honour. Bukod kasi sa wala na siyang magiging matinding kalaban, humaba pa ang distansiya (2,000 meters) na akma sa de-remateng tulad niya.

READ MORE:  Ildefonso pangungunahan ang expansion pool

Pero ikanga ng kilala nating karerista na si Boyetski ng Lico St., na puwedeng masilat si Court of Honour sa 3rd Leg tulad ng nangyari kay Superv sa 2nd Leg. Baka raw makaalagwa ang mga de-banderang kabayo at tuluyang mapabayaan na ito sa unahan.

Ang tanong ay kung sino ang magdadala ng bandea sa hanay nina Sky Hook, Princess Ella at Money Talks?

0o0

Itatakbo naman sa Sabado ang 2015 Philracom Hopeful Stakes Race sa Metro Turf na lalahukan ng mga kabayong Dinalupihan, Gentle Strength, Jazz Wild, Pag Ukol Bubukol, Princess Meili, Spicy Time at Tubbataha Reefs.

READ MORE:  Gilas haharap sa Palestine ngayon (2015 FIBA Asia simula na)

Tingin natin ay anybody’s race ito para sa pitong kalahok na mag-aambisyon na masungkit ang P600,000 na papremyo para sa mananalong kabayo.

Maganda at balansiyado ang pagkakalinya ng mga kalahok pero nagtatanong itong karerista ng Lico na si Boyet na bakit daw kailangang may itakbo pang Hopeful Stakes Race?

Ang alam daw kasi niya, ang Hopeful Stakes Race ay preparasyon ng mga 3-year old na kabayo na nag-aambisyon na makasali sa Triple Crown. E, paano nga raw makakasali pa sila e, itatakbo na sa Linggo ang 3rd at huling Leg ng Triple Crown?

KUROT SUNDOT – Alex L. Cruz

COMMENTS

About Alex Cruz

Scroll To Top
 

Copyright hatawtabloid.com | All Rights Reserved