Claudine, nag-effort na ibalik ang dating figure

 

MAKATAS – Timmy Basil . /

MABUTI naman at naisipan ni Claudine Barretto na magbalik-showbiz.

Halatang nag-effort siya para bumalik ang dati niyang figure. Hindi man naibalik dati niyang katawan, at least kitang-kita naman na malaki ang ibiniwas ng timbang.

Bumalik na rin ang ningning ng kanyang mga mata at glamour ng mukha. Artistang-artista na ulit siyang tingnan ngayon.

May pelikula si Claudine ngayon, ang Etiquette For Mistresses na halaw mula sa libro ni Julie Yap Daza.

Siya ang title role. Siya ang mistress na imbes na magpakumbaba dahil nakikiapid siya itong matapang at nanunugod sa tunay na asawa.

Nakakalokah. Kasama ni Claudine sa pelikulang ito si Kris Aquino.

Kapag ganyan naman ang pag-uugali ng isang kabit, naku. hindi na pinatatagal ‘yan lalo na sa amin sa Siquijor, bwahahahaha.

At least, bumalik si Claudine sa rati niyang pinag-reynahan. Bago ‘yang mga Kim Chiu na ‘yan, Bea Alonzo, Angel Locsin, at Sarah Geronimo, nauna na saStar Cinema si Claudine at isa si Claudine sa unang mga artista na nag-akyat ng milyones sa kaban ng Star Cinema.