Thursday , March 28 2024

Disqualification vs Smartmatic-TIM binaliktad ng Comelec

BINALIKTAD ng Comelec en banc ang disqualification na ipinataw ng Bids and Awards Committee para sa uupahang 23,000 bagong election machines na kasama sa pagpipilian na gagamitin sa Eleksyon 2016.

Sa botong 4-2-1, pinagbigyan ng Comelec En Banc ang apela ng Smartmatic-TIM na kumukuwestiyon sa ginawang pagbasura ng BAC sa kanilang motion for reconsideration.

Sa resolusyon na may petsang Hunyo 29, 2015, idineklara ng mayorya sa Comelec en banc na ang Smartmatic-TIM ang may pinakamababang calculated responsive bid para sa proyekto.

Kinatigan ng en banc ang naging findings ng technical evaluation committee na kaya ng makina ng Smartmatic-TIM na sabay na makapag-save ng election data sa dalawang storage devices.

Ibig sabihin, nakapasa ang Smartmatic-TIM sa technical requirement na itinakda ng poll body para sa 23,000 uupahang makina.

Kasabay nito, iniutos ng Comelec en banc ang pagkansela sa nakatakdang pagbubukas ng financial document para sa ikalawang bidding na itinakda ng BAC para sa nasabing proyekto.

Dahil dito, dapat din anilang isauli ang ibinayad ng mga bidder na bumili ng bidding document para sa ikalawang round ng bidding.

Matatandaan, nang pagpasyahan ng Comelec-BAC ang bidding proposal ng Smartmatic-TIM, bukod sa technical requirement, sinasabing nabigo rin ang bidder na makapagsumite ng valid articles of incorporation.

Ngunit sa motion for reconsideration ng Smartmatic-TIM, binaliktad ng BAC ang nauna nitong desisyon sa aspeto ng articles of incorporation at idineklara na sapat at kompleto na ang mga dokumentong isinumite ng Smartmatic-TIM.

Dahil dito, ang tanging dinesisyonan na lamang ng Comelec en banc ay aspeto ng techinical requirement ng makima ng Smartmatic-TIM.

Leonard Basilio

About hataw tabloid

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *