Danica, hirap hanapan ng regalo ang Daddy Vic

MATABIL – John Fontanilla . 

WALA na raw maisip na ireregalo ang isa sa host ng TV5, Happy Wife Happy Life, na napapanood mula Lunes-Biyernes, 10:15 a.m. na si Danica Sotto sa kanyang Daddy Vic Sotto ngayong Father’s Day.

Kuwento ni Danica, “Ang hirap regulahan ng materyal na bagay si Daddy (Vic), kasi halos lahat nasa kanya na.

“Siguro baka mag-swimming na lang kami kasama ‘yung mga bata, mga apo niya at magdi-dinner.

“Pero sa husband ko (Mark Pingris) may regalo na ako pero simple lang siya.”

Dagdag pa ni Danica, happy siya at naging part siya ng Happy Wife Happy Life. “Masaya, sana marami pa kaming topics na ma-tackle, ‘yung parang hindi pa napag-uusapan before.

“Na prove ko sa show na ito na parang marami pa palang topics na puwedeng i-discuss.

“Kahit ako marami akong natututuhan, pag-uwi ko nga ng bahay sinasabi ko na ito palang recipe na ito gagawin ko, ‘yung mga ganoon,” pagtatapos ni Danica.