Monday , November 19 2018
Breaking News
You are here: Home / Opinion / ‘Walang masamang akin’

‘Walang masamang akin’

00 pulis joeyTODO puri’t kampanya ang ginagawa ngayon ng batikang brodkaster na si Korina Sanchez para sa kanyang mister, DILG Sec. Mar Roxas.

Sa kanyang pagpunta sa Lalu-Lapu City, Cebu nitong nakalipas na Biyernes, namigay siya ng mga tsinelas sa mahihirap na kabataan, pakete ng bigas at anniversary bracelets sa piling beneficiaries, sinabi ni Koring na ang kanyang mister ang “most qualified” na kandidato para presidente sa 2016.

Ang kanyang mister, aniya ay may malawak nang karanasan, tapat, integridad at matalino. Hmmm… walang masamang akin. Pero truth naman e. Hehehe…

Sabi ni Koring, magdedeklara ng kanyang kadindatura si Mar sa Hulyo. Ang posible raw na maka-tandem o running mate nito ay si Senadora Grace Poe. Roxas-Poe? Puwede!

Si Poe ay kinausap na rin ni Presidente Noynoy Aquino na napipisil niyang magpapatuloy ng kanyang tuwid na daan, siguro after ni Roxas sa 2022.

READ MORE:  Walang katapusang “consumption tax”

Tinanggihan na ni Poe ang alok ni Vice Pre-sident Jojo Binay na maging running mate niya sa 2016. Binay-Poe? No way!

Kamakailan ay sinabi ni Poe na ang feel niyang maka-tandem ay si Senador Chiz Escudero. Poe-Chiz? Puwede sana. Pero pareho silang walang makinarya. Kaya malabo ito…

Anyway, dahil sa pabagsak nang pabagsak ang trust rating ngayon ni VP Binay, sa tingin ng mga political analyst ay nasa “no win” situation na siya at marami ang gustong sumabak sa presidential race sa 2010. Nagpahayag na ng pagtakbo uli si Erap, Ping Lacson, ikinakasa si House Speaker Sonny Belmonte at tila gustong sumubok uli ni ex-Senate President Manny Villar.

Si Davao City Mayor Rodrigo Duterte ay muling nagpahayag na hindi siya tatakbo kahit barilin pa raw siya. Pero patuloy naman ang kanyang ginagawang “listening tours” at pagsabing kapag siya’y naging presidente ay “walang puwang ang kabiguan” at isusulong niya ang federal government. Oha? Hindi raw siya tatakbo pero maraming pinaplano. Hehehe…

READ MORE:  Kaduda-duda na siya

Makiramdam pa tayo… Wag bibitiw sa daily update natin sa presidentiables sa kolum na ito…

MTPB ‘di pa sumasahod mula Marso

– Magandang araw, Ginoong Joey Venancio. Di na po namin alam kung saan kami lalapit. Simula pa ng Marso hanggang ngayon Mayo 2015 ay ‘di pa po kami nasuweldo. MTPB po ako na volunteer. Samantalang yung Eric Balotro ay regular at ang asawa ay J.O., MTPB din po, nasuweldo pero nasa bahay lang. Sana po makarating ito kay Mayor Erap. Wag nyo nalang ilagay ang numero ko. – MTPB na ‘di sumasahod

READ MORE:  Abusadong pulis ang pumalit sa mga kriminal

Mayor Duterte, ‘wag kang sumama kay VP Binay!

– Sir Joey, sana makarating itong message ko sa pamamagitan ng kolum mo kay Mayor Rodrigo Duterte. Na sana hindi siya maging running mate ni VP Binay sa 2016 Presidential Election. Masisira lang ni Binay ang track record ni Duterte na walang bahid na katiwalian sa gobyerno. Hayaan nalang na magsanib ulit ang parehas na manda …. sina Estrada at Binay, mga gurang na ang nga ito. Kayo ni Poe ang gusto ko. Goodluck! – 09496984…

REAKSYON at REKLAMO… Sumulat sa POLICE Files!: JGV Publishing House, Inc.,  Leyland Bldg., Delgado St., cor 20th St., Port Area Manila Phil. Telefax 521-7015

Cell: 099-8974-7723/ E-mail add: [email protected]

COMMENTS

About hataw tabloid

Scroll To Top
 

Copyright hatawtabloid.com | All Rights Reserved