Saturday , September 22 2018
Breaking News
You are here: Home / Bulabugin / P3.8-B LTO new plates system ‘livelihood’ ng mga opisyal?!

P3.8-B LTO new plates system ‘livelihood’ ng mga opisyal?!

LTO platesISANG taon na lang at matatapos na ang termino ng ‘daang matuwid’ pero parang Pandora box na unti-unting nabubuyangyang ang mga iregular na transaksiyones.

Gaya na nga nitong kontrobersiyal na P3.8 bilyones plate deal sa Land Transportation Office (LTO) na mukha namang walang pakinabang dahil hindi naman pala ito naglalayong maisaayos ang sistema ng rehistrasyon ng mga sasakyan.

‘Yun bang tipong, gaya lang din nang dati ang sistema na ang malaking pagkakaiba magrerehistro ngayon ng sasakyan pero namuti na’t lahat ang mata ng may-ari, ‘e wala pa rin ang sticker at ang plaka.

Anyare sa P3.8-B plate project?!

Lumalabas na malaking disabentaha hindi lang sa mga motorista kundi sa sambayanan dahil ang laki ng budget pero walang pakinabang.

Tanging ang mga contractor na tumiba at mga kasabwat nila ang natuwa sa proyektong ito!

Mantakin ninyo, halimbawang isang motorista ang bumili ng sasakyan at kanyang inaasahan na magagamit agad ito sa kanyang pang-araw-araw na aktibidad, trabaho man o negosyo, ‘e paano nga kung walang plaka at maging ang sticker ay hindi maibigay agad?!

‘E di nakatengga lang ang sasakyan?!

Paano kung inutang ‘yung sasakyan at inaasahan na makatutuwang sa pagbabayad ng monthly bill sa auto loan pero dahil walang sticker o plaka ‘e hindi mailabas ‘yung sasakyan?!

Nabaon lang sa utang ‘yung nag-loan ng sasakyan.

Lumalabas na gumastos lang sa pagbili ng  sasakyan at pagpaparehistro pero hindi naman mapakikinabangan.

Hindi lang sa mga bagong sasakyan ‘yan. Ganoon din sa mga mayroon nang dating plaka, gusto pa rin ng LTO na baguhin pero hindi naman pala kaya.

Ganoon din sa pag-a-apply o pagre-renew ng driver’s license.

Bibigyan ng temporary license na good for 90 days kuno, pero noong balikan na para sa permanent license tinatakan ng hanggang 2017 pa ang kanyang tiket.

Ano ba ang nangyayari d’yan sa ahensiya mo LTO chief ALPUNSO ‘este ALFONSO TAN?!

Kaya mo ba talagang pamunuan ang LTO o baka naman gusto mo nang ipasara ‘yan?!

Kani-kanino kayang bulsa maiimbudo ‘yung P3.8 bilyones, Atty. Tan?!

Talaga namang tuwad na tuwad ‘este  tuwid na tuwid ang inyong daan!

COMMENTS

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)
Scroll To Top
 

Copyright hatawtabloid.com | All Rights Reserved