HATAW! D'yaryo ng Bayan hatawtabloid.com
ISA na namang warehouse ng plastic sa Valenzuela City ang nasunog kahapon.
Dakong 5:28 a.m. nitong Huwebes nang sumiklab ang sunog sa gusaling gilingan ng plastic ng Greencycle Corporation, na pagmamay-ari ng isang Peterson Tecson, sa Francisco St., kanto ng Maysan Road, Brgy. Malinta sa lungsod na nabanggit.
Kuwento ng isang guwardya, bigla na lang umusok at nagliyab ang nakatambak na plastic sa bungad ng warehouse.
Umabot sa ikalawang alarma ang sunog bago naapula makalipas ang halos 20 minuto.
Walang nasaktan sa naturang sunog, na nangyari walong araw makalipas ang malagim na sunog sa pabrika ng tsinelas sa Brgy. Ugong na 72 katao ang namatay.
