Friday , March 29 2024

Trillanes, Magdalo: K-12 Program itigil (Petisyon sa Korte Suprema)

NAGSAMPA ng Petisyon sa Korte Suprema si Senador Antonio “Sonny” F. Trillanes IV, kasama sina Magdalo Representatives Gary Alejano at Francis Ashley Acedillo upang hilingin ang agarang pagpapatigil ng Republic Act 10533 o kilala bilang K-12 Law, na magdaragdag ng dalawang taon sa high school.

Sa Petition for Writ of Preliminary Injunction and/or Temporary Restraining Order na inihain, sinabi ni Trillanes na labag sa Saligang Batas ang pagpapatupad ng K-12 law sapagkat labag ito sa probisyon na naggagarantiya sa karapatan ng mga tao at ng kanilang kinabibilangan na organisasyon na makonsulta at makalahok sa ano mang antas ng sosyal, politikal, at pang-ekonomiyang pagdedesisyon.

Sinabi sa petisyon, hindi nakonsulta ang mga maaapektohan ng nasabing programa, lalo ang mga estudyante, mga guro at mga empleyado sa kolehiyo, noong binabalangkas pa lamang ang nasabing batas.

Dagdag ni Trillanes, ang nag-iisang bumoto sa Senado laban sa K-12, nararapat lamang na ihinto ang pagpapatupad ng programa hanggang wala pang sapat na pag-aaral na ginagawa ang DepEd ukol sa magiging epekto nito sa mga naghihirap na sektor tulad ng magulang, guro at mga estudyante.

Kasama sa sinasabing epekto ng K-12 ang pagkakatanggal sa trabaho ng maraming guro at iba pang mga empleyado sa mga pribadong paaralan at kolehiyo.

Susog ni Alejano, “Ang K-12 program ay hindi isang simpleng pagbabago lamang ng sistema ng edukasyon sa ating bansa sapagkat kinabukasan ng ating bansa ang nakasalalay dito. Bakit kailangan nating tumaya sa isang programang hindi pa subok at hindi tayo handang ipatupad? Dahil dito gagawin namin ang lahat ng aming makakaya upang mapahinto ang K to 12.”

Samantala, nanawagan naman si Acedillo, “Hinihimok ko ang ating mga kababayan, mga kapwa magulang at mga guro at iba pang naniniwalang hindi handa ang ating bansa sa K-12, na samahan kami sa aming panawagan kay Pangulong Aquino at sa Korte Suprema na ihinto ang pagpapatupad ng programang ito.”

Sina Trillanes at ang Magdalo, kasama ang Coalition for K-12 Suspension, ay nakatakdang maglunsad ng isang malaking rally laban sa programa sa darating na Sabado, May 9, sa Liwasang Bonifacio. 

Niño Aclan/Cynthia Martin

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *