Thursday , March 28 2024

De Lima binalaan ng ‘pork barrel scam’ lawyer (Sa usad-pagong na pagsasampa ng kaso)

050615 Levito Baligod

“FIGHT AGAINST CORRUPTION is fight against poverty.” Ito ang ipinahayag ni Atty. Levito Baligod kasabay ng panawagan kay Department of Justice Secretary Leila De Lima na huwag umatras sa laban nito kontra korupsyon sa isinagawang press conference kahapon sa Ermita, Maynila. (BONG SON)

IGINIIT ng dating abogado ng whistleblower na si Benhur Luy, sa Department of Justice (DoJ) na huwag isantabi ang pagsasampa ng kaso sa third batch ng mga sangkot sa pork barrel scam dahil sa sinasabing mas importanteng kasong kailangang lutasin.

Sa press conference sa Ermita, Maynila kamakalawa, ipinanawagan ni Atty. Levito Baligod na isampa na ni Justice Secretary Leila de Lima ang kaso sa third batch ng mga sangkot sa PDAF scam na ilang taon na ang nakalilipas ay wala pa ring aksiyon ang DoJ.

Magugunitang noong Hunyo 2014, sinabi ni De Lima na ilang linggo na lamang ang bibilangin at maikakasa na ang kaso sa Office of the Ombudsman.

Kabilang sa third batch ng mga kakasuhan ay mga alyado ng kasalukuyang administrasyon.

Binigyan ni Baligod ng palugit si De Lima nang hanggang Hunyo ng kasalukuyang taon sa pagsasampa ng kaso.

Kung hindi aniya uusad ang proseso ay siya na mismo at ang kanyang grupo ang maghahain ng kaso sa Office of the Ombudsman.

Kinompirma niyang kabilang sa third batch ng mga kakasuhan ang 34 kongresista na hindi niya pinangalanan, ngunit walang kasamang senador. (ULAT nina MARY JOY SAWA-AN, DARWIN MACALLA, at JOSHUA MOYA)

 

About hataw tabloid

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *