Friday , March 29 2024

Sa Araw ng mga Manggagawa: Obrero dumaing (Mababa ang sahod, kulang ang benepisyo, at talamak ang kontraktuwalisasyon)

050215_FRONT

ni Leonard Basilio.

DAAN-DAANG militante ang lumahok sa kilos-protesta sa Mendiola Peace Arch sa Maynila bilang paggunita sa Labor Day.

Bago nagmartsa patungong Mendiola, nagtipon muna ang mga demonstrador sa España, Manila City Hall, Liwasang Bonifacio sa Lawton at iba pang lugar.

Sumama rin sa pagkilos ang mga grupo mula sa Southern Tagalog at iba pang karatig lalawigan.

Panawagan ng nasabing grupo na tugunan ang mga suliranin ng labor sector kabilang na ang mababang suweldo, kawalan ng benepisyo at talamak na contractualization.

Pansamantalang naparalisa ang trapiko sa intersection ng Mendiola, Legarda at C.M. Recto dahil na rin sa bulto ng mga nakiisa sa pagkilos.

(May kasamang ulat nina Mary Joy Sawa-an, Darwin Macalla at Joshua Moya)

MABABANG WELGA IBINIDA NI PNOY

IPINAGMALAKI ni Pangulong Benigno Aquino III na bumagsak nang husto ang bilang ng mga welga ng mga manggagawa sa panahon ng kanyang administrasyon dahil mas maayos ngayon ang relasyon ng mga obrero sa mga kapitalista.

Sinabi ng Pangulo sa kanyang Labor Day speech sa Naga City, Cebu kahapon, 12 welga lang ang naitala ng Department of Labor and Employment (DOLE) mula noong 2010 kompara sa 259 noong nakaraang administrasyon.

“Parang nanay siyang talagang inaasikaso ang lahat, parang titingnan niyo, sektor ng manggagawa, sektor ng management… lahat anak niya. Talagang pinipilit niyang gawin para nga magkaroon tayo nitong harmony,” aniya hinggil kay Labor Secretary Rosalinda Baldoz.

Kaugnay nito, umaasa ang Pangulo na agad maresolba sa mapayapang paraan ang labor dispute sa Kepco-SPC Power Corp.

Hinihiling ng unyon ng mga obrero sa Kepco na kilalanin sila ng management at maibalik sa trabaho ang sinibak na supervisor noong Marso.

“Dapat maresolba natin sana sa mas mahinahon na hindi nga disruptive. KEPCO ‘di ba is a power producer di ba. Medyo importante ang power for the continued growth of the economy. Especially in Cebu,” sabi ng Pangulo.

(ROSE NOVENARIO)

PNOY SINALUBONG NG PROTESTA SA CEBU

CEBU CITY – Sinalubong ng kilos protesta ang pagpunta ni Pangulong Benigno “Noynoy” Aquino III sa Cebu para sa pagtitipon kaugnay sa Labor Day celebration.

Sa itinerary ng presidente, dumalo siya sa isang job fair sa J. Mall sa lungsod ng Mandaue, Cebu at pagkatapos ay pumunta sa Philippine labor market forum sa bagong tayong gusali ng University of Cebu Medical Center.

Itinakda ring magbigay ng talumpati ang pangulo at magsasagawa ng tour sa bagong pasilidad ng cement plant sa lungsod ng Naga, Cebu.

Nabatid na binulabog ng mga raliyesta ang kalsada kung saan dumaan ang pangulo.

Nagawang mag-ingay at magbitbit ng mga plackards ang mga dumalo kaugnay sa kapalpakan ng kanyang administrasyon.

Hindi gaanong nakalapit ang mga nagpoprotesta dahil sa dami ng mga pulis na nagsagawa ng human barricade at may nakaantabay pa na firetruck.

DOLE JOB FAIR SA PASAY DINAGSA

DINUMOG ng mga aplikante ang job fair ng Department of Labor and Employment (DOLE) sa Pasay kahapon, Labor Day.

Nasa 30,000 vacancy ang alok sa naturang fair sa Philippine International Convention Center (PICC) Forum sa Vicente Sotto Street.

Payo ng DoLE sa mga aplikante, tiyaking nasa maayos na kasuotan at may mga nakahandang kopya ng requirements at resumé.

Karaniwan anilang isinasabay ang on-the-spot interview at may mga kompanyang agarang tumatanggap ng mga aplikante.

Tampok din sa event ang one-stop shop para sa mga nais mag-ayos ng kanilang government documents tulad ng birth certificate, marriage certificate, NBI clearance, postal ID at iba pa.

 

 

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *