Thursday , March 28 2024

Bulldozer Joe Vs. Victorious Victor ((Ika-6 Labas)

00 bulldozer joeNapakagat-labi ang misis niya.

“Lagi nang kumakabog ang dibdib ko sa bawa’t pagtuntong mo sa ring. Nakataya ang lahat-lahat sa ‘yo, Joe…” anito sa pagpatak ng luha sa mga mata.

“Kayo ng anak natin ang buhay ko… Para sa inyo ang paghahangad kong manalo sa bawa’t laban ko,” sabi ni Joe na nang-halik sa mga pisngi ni Liza na nabasa ng luha.

Dumating ang araw ng “Victorious Victor Vs. Davis Strotsky the Tornado fight.” Punumpuno ang Caesar’s Palace. Sold out ang lahat ng tiket. Hindi lang mga persona-lidad sa daigdig ng boksing at mahihilig sa boksing ang naroroon para manood. Naroroon din pati ang mga kilalang tao sa larangan ng politika at mga sikat artista.

Sa “Tale of the Tape” sinasabing 26 ang edad ni Victorious Victor habang 29 anyos naman si Davis Strotsky. Halos pareho ang kanilang taas na mahigit sa anim at apat na talampakan, gayon din sa timbang na 225 lbs. Pero mas malapad ang dibdib at mas mahaba ang mga braso ni Strotsky kay Victor.

Mainit na agad ang pasok ni Strotsky the Tornado sa unang round pa lamang. Kalmado si Victorious Victor. Pa-jab-jab lang. Pero mapuwersa iyon at nakayayanig kay Strotsky.

Sabi ng ring announcer: “Pasa-pasa na agad ang mukha ni Strotsky… At hayun! Nasapol siya ng isang right hook, dumugo ang kanyang kilay.

Tumunog ang bell. Tigil ang pag-atake ni Victorious Victor kay Strotsky.

“Mukhang nagroge si Strotsky… Buti na lang at nag-bell…” pag-aanunsiyo ng ring announcer.

Sinuri ang sugat sa ibabaw ng kilay ni Strotsky ng ring physician. Puwede pa raw lumaban. Pero pagtunog ng bell sa paghuhudyat ng ikalawang round ay naghagis ng puting tuwalya ang coach nito sa kanilang korner. Naging mabalasik ang anyo, nang tumayo mula sa pagkakaupo sa bangkito ay ibinalibag ang puting tuwalya sa labas ng ring.

Mabilis na pumagitna si Strotsky sa ruweda, mistulang nag-aalborotong toro na sumisingasing. (Itutuloy)

 

ni Rey Atalia

About hataw tabloid

Check Also

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Krystall Herbal Oil

Peleges sa noo nabanat ng Krystal Herbal Oil

Back to BasicNATURE’S HEALINGni Fely Guy Ong Dear Sis Fely Guy Ong,          Magandang araw …

Moira dela Torre Jethro Cerezo

Moira marami ang ginulat: sexy at  parang tin-edyer

SHOWBIZ KONEKni Maricris Valdez Nicasio MARAMI ang nanibago at ginulat ni Moira dela Torre nang ipakikala ito …

KWF PNU UP DLSU

Lagdaan ng Kasunduan ng KWF, PNU-LSC, UP-Lingg, at DLSU-Filipino para sa idaraos na Pandaigdigang Kumperensiya sa Nanganganib na Wika

Idinaos ang lagdaan ng Memorandum ng Kasunduan ng Komisyon sa Wikang Filipino (KWF), Language Study …

80 NorMin Regional RDI Committee members meets for 2024 plans, initiative

80 NorMin Regional RDI Committee members meets for 2024 plans, initiative

Eighty committee members of the Regional Research, Development, and Innovation Committee (RRDIC) of Northern Mindanao …

Leave a Reply

Your email address will not be published. Required fields are marked *