Friday , March 29 2024

15 DLTB bus sinuspinde sa aksidente sa E. Samar

041815_FRONT

SINUSPINDE ng Land Transportation Franchising and Regulatory Board (LTFRB) ang 15 bus ng DLTB kaugnay ng aksidente sa Eastern Samar.

Matatandaan, lima ang namatay habang walo ang nasugatan sa banggaan ng isang DLTB bus at isang pampasaherong van sa Quinapondan.

Giit ng LTFRB, out-of-line o kolorum ang naaksidenteng bus dahil San Pablo City, Laguna-Pasay City lang ang awtorisadong ruta nito.

Pinatawan ng 30-araw preventive suspension ang buong prangkisa ng naturang bus na may 15 units.

Sinabi ni LTFRB Chairperson Winston Ginez, pinagpapaliwanag nila ang pamunuan ng DLTB kung bakit hindi dapat mapatawan ng P1 milyong multa at tuluyang kanselasyon ng prangkisa.

Tatlong araw ang ibinigay sa kompanya para magpaliwanag at ipinasusuko sa Lunes ang mga plaka ng sinuspindeng bus.

Isasailalim sa road safety seminar at voluntary drug test ang mga driver ng DLTB habang pinadadalo ang kinatawan nito sa unang pagdinig sa Abril 22.

Samantala, dumoble ang dagok ng pamunuan ng DLTB dahil nagpiket ang ilang empleyado, driver at kundoktor nito.

Nasa 40 ang sinasabing tinanggal sa trabaho ng management habang ang iba’y hindi pinahintulutang bumiyahe makaraan pumabor sa pagtatayo ng unyon. Inirereklamo rin nila ang sweldong mas mababa sa minimum wage.

 

HATAW News Team

 

 

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *