Friday , March 29 2024

Ara Mina, nakapag-taping agad ng MMK kahit abala kay Mandy

ni Pilar Mateo

032715 ara mina mmk

MOMS…Being one! Kakabinyag pa lang ng kanilang first-born ni Bulacan, Bulacan Mayor Patrick Meneses sa kanilang si Mandy (Amanda Gabrielle), pero up and about na ang aktres na si Ara Mina at nakapag-taping na ng kanyang MMK (Maalaala Mo Kaya) episode for this Saturday (March 28) sa Kapamilya.

Ang kuwento ay tungkol sa mag-inang kapwa single mothers at kasama ni Ara na magbibida sa naturang episode, si Sofia Andres.

Sa hangaring maibigay ang lahat ng pangangailan ng kanyang anak na si Joy (Sofia), napilitang mangibang-bayan ang single mother na si Bheng (Ara). Sa kanyang pag-alis, naiwan si Joy sa pangangalaga ng kanyang lolo at lola. Ngunit dahil sa kakulangan ng personal na paggabay ng nakatatanda, maagang nabuntis si Joy ng kanyang boyfriend na kalaunan ay inabandona siya at ang kanilang anak.

Gaano kasakit para sa isang ina na matuklasan na ang minamahal niyang anak ay dumaranas ng kaparehong kapalaran na pagiging isang single mother? Ano ang kayang gawin ng isang anak upang maitama ang kanyang pagkakamali?

Bahagi rin ng upcoming MMK episode sina Liz Alindogan, Bea Saw, Alyanna Angeles, Pen Medina, at Julian Estrada. Ito ay sa ilalim ng direksiyon ni Garry Fernando at panulat ninaJimuel Dela Cruz at Arah Jell Badayos. Ang MMK ay pinamumunuan ng business unit head nito na si Malou Santos at creative manager na si Mel Mendoza-Del Rosario.

Sa loob ng 23 taon, bahagi na ng bawat pamilyang Filipino saan man sa mundo ang Maalaala Mo Kaya na bawat Sabado ay nagpapaluha, nagpapangiti, at nagbibigay-inspirasyon sa TV viewers sa pamamagitan ng mga totoong kuwentong buhay na ibinabahagi ng letter-senders ng programa.

Samantala, excited din sa muli niyang pag-e-emote sa TV ang isa sa orihinal na Dolphy’s Angelsna si Liz na gaganap naman bilang nanay ni Ara at Lola ni Sofia.

“Ang saya ng set namin. At natutuwa ako na muling umarte. Hindi pa naman pala kinakalawang kaya masaya sa pakiramdam.”

At hindi sa MMK natapos ang so raring to be back sa trabaho na si Ara. Bitbit si Mandy, sumalang na rin ito sa Deal or No Deal at sumegue pa sa radio program na Mismo! nina Jobert Sucaldito at Ahwel Paz after ng taping.

“Ang bilis ko kasing ma-miss si Mandy. At saka bini-breastfeed ko siya kasi.”

Nasabak na rin si Mandy sa mundo ng kanyang ina. ‘Di malayong one of these days si Mandy na ang nagsu-shoot for her commercials!

 

About hataw tabloid

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *