Indian nat’l sugatan sa holdaper

NILALAPATAN ng lunas sa Ospital ng Maynila ang isang 18- anyos Indian national makaraan saksakin ng holdaper sa Roxas Blvd. Ermita, Maynila kamakalawa ng gabi. 

Kinilala ang biktimang si Sai Parhiban, ng IHM Dorm, Our Lady of Perpetual Help Campus, Las Piñas City.

Habang tinutugis ng mga tauhan ng Ermita Police Station 5 ang hindi nakilalang suspek na mabilis na tumakas makaraan ang insidente.

Ayon kay PO3 Joel Batul, dakong 7:22 p.m. namamasyal ang biktima sa Roxas Blvd. nang holdapin siya ng suspek.

Ngunit pumalag ang biktima kaya sinaksak siya ng suspek at tumakas tangay ang kanyang P6,000 cash.

Leonard Basilio