Ancestral house gumuho, 18 sugatan (Sa Liliw, Laguna)

SUGATAN ang 18 indibidwal sa pagguho ng isang ancestral house sa Brgy. Rizal, Liliw, Laguna nitong Huwebes.

Ayon kay SPO4 Vicente Esles, deputy chief of police ng Liliw PNP, ang bahay ay pag-aari ng isang Teresita Artecola. 

Sa inisyal na imbestigasyon, nagkakainan ang mga bisita dahil pista sa naturang lugar nang biglang bumigay ang sahig na gawa sa kahoy. 

Sabay-sabay na bumagsak ang mga bisita patungong basement ng bahay.

Walo ang isinugod sa Rural Health Unit ng Liliw, walo sa Nagcarlan District Hospital, at dalawa sa isang ospital sa bayan ng Sta. Cruz.