Friday , March 29 2024

UE magbabagong-bihis sa UAAP

ni James Ty III

031915 UE red warriors

SA PAGSISIMULA ng UAAP Season 78 sa Setyembre ay inaasahang magkakaroon ng malaking pagbabago sa lineup ng University of the East men’s basketball.

Kinompirma ng head coach ng Warriors na si Derrick Pumaren na hindi na lalaro para sa kanila ang pambatong guwardiya na si Roi Sumang.

Ayon kay Pumaren, lalaro si Sumang para sa Tanduay Rhum sa PBA D League bago siya magpalista sa PBA Rookie Draft sa Agosto.

Si Lawrence Chiongson na dating coach ni Sumang sa UE ay coach ngayon ng Rhum Masters.

Nagtala si Sumang ng 17 puntos sa unang panalo ng Tanduay sa Foundation Cup, 79-61, kontra Jumbo Plastic Linoleum noong Lunes.

Nag-average si Sumang ng 13 puntos, 3.9 assists, 2.9 rebounds at 1.1 na agaw sa 13 na laro para sa UE noong huling UAAP season kung saan hindi nakapasok ang Warriors sa Final Four.

Isang beses na ibinangko ni Pumaren si Sumang dahil sa hindi pagsipot ng huli sa ensayo ng Warriors.

Bukod kay Sumang, hindi na rin lalaro para sa UE sa susunod na UAAP season sina Charles Mammie at Gino Jumao-as.

Tapos na ang eligibility ni Mammie sa Warriors samantalang may plano si Jumao-as na lumipat sa Arellano University sa NCAA.

Idinagdag ni Pumaren na si Dan Alberto na ang papalit sa puwestong iniwan ni Sumang samantalang magiging isa sa mga rookies ng UE sa UAAP Season 78 si Fran Yu ng Chiang Kai Shek.

 

About hataw tabloid

Check Also

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Kheith Ryhnne Cruz TOPS Olympic

TOPS Olympic slots, target ni table tennis star Kheith Rhynne Cruz

MABIGAT ang hamon na kakaharapin ni Pinay table tennis phenom Kheith Ryhnne Cruz para sa …

30 bolang ginamit sa FIBA Qualifiers, ipinagkaloob sa Pasay LGU

30 bolang ginamit sa FIBA Qualifiers, ipinagkaloob sa Pasay LGU

NAG-DONATE kahapon, 20 Marso 2024, ng 30 bola ang Samahang Basketbolista ng Pilipinas (SBP) sa …

Reli de Leon Antonella Berthe Racasa

High Roller bida sa Triple Crown Stake

IBINABA lamang bilang fifth choice, ninakaw ng High Roller ni Lamberto “Jun” Almeda, Jr., ang …

Leave a Reply

Your email address will not be published. Required fields are marked *