HATAW! D'yaryo ng Bayan hatawtabloid.com
Ikinatuwa ng maraming Kapuso stars ang pagsali ni Winwyn Marquez sa Bb. Pilipinas 2015.
Paano ba naman pasok na pasok sa banga ang mga katangian niya sa pagiging isang beauty queen -maganda, matalino at talentado. Simula noong nagkompirma ang Kapuso actress sa pagsali sa pageant, todo-todo na ang suportang ibinigay sa kanya ng kanyang mga kaibigan sa showbiz, lalo ng mga kasama niya sa Sunday variety show ng GMA na Sunday All Stars (SAS). Ikinampanya siya ng mga Kapuso artists sa mga social networking sites at ang ilan pa nga ay pumunta pa sa mismong coronation night ng beauty pageant. Ilan sa mga Kapuso stars na dumalo ay sina Mark Herras, Aicelle Santos, Frencheska Farr, Maricris Garcia, Mayton Eugenio, Rodjun Cruz, Enzo Pineda, Kris Lawrence at Rocco Nacino. Maging ang former 3rd Princess sa Miss World, na si Ruffa Gutierrez ay nakikisimpatiya rin sa young actress at deserve raw nito na magkaroon ng title sa nasabing controversial beauty pageant. Nagpahayag naman ng pasasalamat sa lahat ng mga sumuporta sa kanya si Winwyn gamit ang kanyang Twitter account.
Kami ay for Winwyn gyud!
ni Peter Ledesma
