Friday , March 29 2024

2 adik sinunog ang sarili (Isa napraning, isa pa nabuang)

092514 fire dead

SINILABAN ng dalawang lalaki ang kanilang sarili nang mawala sa katinuan dahil sa pagkagumon sa droga sa magkahiwalay na lugar sa Las Piñas City at Pasig City kahapon.

Sa Las Piñas City, wala nang buhay nang matagpuan si Marlon Balse, 32, sa loob ng kanyang kwarto sa dalawang palapag na bahay sa BF Resort Village, Brgy. Talon Dos.

Ayon sa imbestigador ng Las Piñas Fire Department, natagpuan ang bangkay ni Marlon Balse, 32, sa pintuan ng kuwarto sa bahay na pag-aari ng isang Imelda Calpe.

Napag-alaman mula sa mga kaanak, nitong Sabado pa ng gabi nagkukulong sa kuwarto ang biktima. Nakagamit anila ang biktima ng ilegal na droga.

Sinasabing hinarangan ng biktima ng mga upuan, mga gamit at iba pang kasangkapan ang pintuan.

Nang mabuksan ang kwarto, tumambad ang bangkay ni Balse.

Dakong 9:15 a.m. nang magsimula ang sunog at naapula makalipas ng 30 minuto. Umabot lamang ito sa ikalawang alarma.

Dagdag ng imbestigador, lumalabas na sinadya ang sunog.

Samantala, nalapnos ang katawan at wala nang buhay ang isang 57-anyos lalaking kalalabas pa lamang sa drug rehabilitation center makaraan silaban din ang kanyang sarili sa Pasig City.

Kinilala ang biktimang si Reynaldo Galco, nakatira sa 194 Pagasa St., sa lungsod.

Dakong 10 a.m. nang matagpuan ang bangkay ng biktima na sinikap iligtas ng mga kapitbahay mula sa nasunog na bahay.

Sinabi ng live-in partner ni Galco na si Lucila, kalalabas lamang ng biktikma sa rehabilitation center dahil sa pagkagumon sa droga.

Ayon sa imbestigasyon ni FO2 Chester Pangilinan, dakong 9:15 a.m. nagkulong ang biktima sa kwarto habang hawak ang itak at posporo.

Sinabi aniya ng biktima na may humahabol at gustong pumatay sa kanya, at huhulihin siya ng mga pulis.

Ilang araw na aniyang hindi natutulog si Galco at tila nasisiraan na ng bait dahil nagsasalitang mag-isa. (JAJA GARCIA/ED MORENO)

 

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *