Bebot todas sa tingga

PATAY ang isang babae makaraan barilin ng isa sa tatlong hindi nakilalang suspek habang naglalakad sa madilim na eskinita sa Caloocan City kamakalawa ng gabi.

Agad binawian ng buhay ang biktimang si Marielle Jurado, alyas Ella, 34, residente ng Block 10, Pama Sawata, Brgy. 28 ng nasabing lungsod.

Habang pinaghahanap ang tatlong hindi nakilalang suspek na mabilis na tumakas makaraan ang insidente.

Batay sa ulat ni SPO2 Joselito Barredo, dakong 8:30 p.m. kamakalawa nang maganap ang insidente sa Labahita Extension, Brgy. 14 ng lungsod.

Naglalakad ang biktima sa nasabing lugar nang lapitan ng tatlong lalaking armado ng baril at isa ang biglang pinaputukan si Jurado na naging dahilan ng agaran niyang kamatayan.

Hinala ng pulisya, maaaring may kinalaman sa ilegal na droga ang motibo sa pagpatay dahil nagkalat sa lugar ang mga tulak ng shabu. (ROMMEL SALES)